YEHEZKIEL 28:13 - KITTA' MATANGKASA'

¹³ Tampa' pammantangannu ri Eden, iamintu kokonNa Allata'ala. Pakeannu nibelo-beloi sangka' rupa paramata: paramata batu delima siagang intang, topasa', batu pirusu', batu yaku', ratna, campaka, batu nilang, samru' siagang batu alkali eja. Belo-belo bulaennu jai todong. Anjo barang-barang kammaya nipareki untu' ikau ri allo nipa'jarinu.

YEHEZKIEL 28:13 Referans Kwoze

YEHEZKIEL 28:15

Panggaukannu sangga baji'na baku'nu nipa'jari sa'gennu appakkaramula a'gau' ja'dala'.

YEHEZKIEL 27:16

Padanggang battua ri pa'rasangang Siria naballi barang-barang danggangannu siagang anjo wassele'nu jaia. Nabayarakko ke'nanga siagang paramata battu ri batu samru', kaeng cura' eja na lame butung, kaeng sulang, lenang alusu', paramata battu ri batu korala' siagang batu eja delima.

PA'JARIANG 2:8

Le'baki anjo appare'mi Allata'ala koko ri Eden, irayanganna anjo tampaka, nampa Napamantang anjoreng anjo tau le'baka Napare'.

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YEHEZKIEL 36:35

Jari sikontu taua la'jari lannasaki lanri anjo butta rosoka sumpaeng, kamma-kamma anne a'jarimi koko Eden; siagang kota-kota sinoa riolo, ancuruki siagang a'jari loromi, kamma-kamma anne a'jarimi kota-kota kassa' pattahanganna siagang jai pandudu'na.

YESAYA 30:32

Lalang napisa'ringinna sikamma pannunrunNa, umma'Na Batara assannang-sannangi appasa'ra musi' ganrang, siagang kacapi. KalenNa Allata'ala la'bundu' angngewai tu Asyur.

YESAYA 23:16

Angngalleko kacapi, kulilingi kotaya, he baine pagau' sala cilaka nikaluppaia! Ko'biki kacapia, akkelong mako pole, sollannu niu'rangi ammotere'.

YESAYA 14:11

Riolo ikau nipakala'birikko siagang sa'ra kacapi, mingka kamma-kamma anne nia' mako ri kasinoanna lino tau matea. Olo' la'jari katinroannu siagang gallang-gallang la'jari kalimbu'nu.’

PAPPICINI' 17:4

Anjo bainea ammakei baju lango-lango siagang eja toaya tanja'na, kammayatompa nibelo-beloi siagang belo-belo bulaeng, paramata, siagang mutiara. Na ri limanna nia' nata'gala' se're mangko' bulaeng rassia bonena siagang apa ra'masaka siagang kodi dudua, wassele' panggaukang bawanna.

PAPPICINI' 2:7

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei rapponna poko' katallassanga, attimboa lalang ri KokonNa Allata'ala.”

YEHEZKIEL 27:22

Untu' amballi barang-barannu sikamma padanggang battua ri Syeba siagang Raema angngerangi paramata-paramata, bulaeng, siagang rampa-rampa kaminang bajika.

YEHEZKIEL 26:13

LaKupammari sikontu kelong-kelonnu siagang sa'ra kacapinnu.

YEHEZKIEL 21:30

He tu Amon, paribanoai ammotere' pa'dannu! LaKuadeliko ri tampa'nu nipa'jari siagang nilassukang.

PA'JARIANG 13:10

Nacinikimi Lot anjo daeraya na nacini'mo angkanaya sikontu Lappara'na Yordan sa'genna mange ri kota Zoar jai je'ne'na, sangkamma kokona Batara, yareka sangkamma butta Mesir. (Kammaminjo kaadaanna ri wattu tenanapa niancuruki kota-kota Sodom siagang Gomora ri Batara.)

YO"EL 2:3

Rapang pepe' akkanrea siagang appakamutung naputtai ke'nanga sikontu lamung-lamunga. Riolo, anjo pa'rasanganga rapangi Eden, iamintu kokonNa Batara, kale'bakkanna, santanja'mi parang kassi' kalotoroka. Tenamo nia' ammantang tassesa, tena sikali ta'lappasa' battu ri pa'bakkaina ke'nanga.

YESAYA 24:8

Tenamo nilangngere' ko'bi' kacapi a'rannu-rannua siagang tunrung rabana ma'reja-rejaya. Ammarimi kasuarranna tau a'rannu-rannua.

YEHEZKIEL 28:14

Malaeka' appakamallaka laKuboliki anjoreng untu' anjagaiko. Ammantangko irate ri bulu' matangkasakKu siagang a'jappako ri tangnga-tangngana batu paramata accilla'-cillaka.

AYUB 28:19

Batu paramata siagang bulaeng ti'no, kurangi anggaranna ri akkala' bajika.