YEHEZKIEL 27:21 - KITTA' MATANGKASA'

²¹ Tu Arab siagang ammarentaya ri butta Kedar naballi barang-barannu siagang ana' gimbala', gimbala' laki siagang bembe.

YEHEZKIEL 27:21 Referans Kwoze

YESAYA 60:7

Bembe siagang gimbala' battua ri Kedar nierangi mae ri kau sadiai gimbala' laki battua ri Nebayot untu' ibadanu. Anjo koro'banga napakasannangi atinNa Batara napaccayai Balla'Na rassia kala'birang.

PA'JARIANG 25:13

Ismael nia' sampulo anrua ana'na. Iaminne areng-arenna situru' kalassukanna: Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Nafis, siagang Kedma. Ia ngasemmi anne a'jari boe-boena sampuloa anrua suku bansa, siagang desana siagang kemana ke'nanga niarengi situru' massing arenna ke'nanga.

GALATIA 4:25

Jari, iaminjo Hagar sanrapang Bulu' Sinai, niaka ri butta Arab. Iami pangngebaranna kota Yerusalem siagang sikontu tuma'buttana, a'jaria ata kamma-kamma anne.

LAMPA-LAMPANA 2:11

nia' tu Yahudi, siagang tu bansa-bansa maraeng antamayamo agama Yahudi; nia' todong tu battu ri Kreta siagang battu ri Arab. Massing nilangngere' ngasemmi ke'nanga a'bicara lalang bicaranta ngaseng; nabicaraya ke'nanga iamintu gau'-gau' appakalannasa' Nagaukanga Allata'ala!”

YESAYA 21:16

Nampa Nakana Batara ri nakke, “Ganna'-gannaki sitaung pole lakala'busammi kaporeanna suku-suku Kedar.

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

2 PATTOTTORANG 17:11

Battu ri Filistin annarimai passare jai pera' siagang passare maraengannaya, siagang battu ri tu Arab annarimai passare 7.700 gimbala' siagang 7.700 bembe.

1 PATTOTTORANG 1:29

Ia ana'-ana'na Ismael iamintu: Nebayot, kaminang toaya, nampa Kedar, Adbeel, Mibsam,

1 KARAENG-KARAENG 10:15

tena nirekengi passawallang-passawallang nagappaya a'danggang, siagang sima-sima battua ri sikamma padangganga, karaeng-karaeng Arab siagang guburnur-guburnurna Israel.

PAMMUJI 120:5

Cilakama' inakke lanri musti attallasakka' siagang ikau; tena simmaraenna ammantang ri Mesekh, yareka ri alla'na tu Kedar.

YESAYA 21:13

Iaminne pappasang ri passala'na Arab: He, tu Dedan, akkemai sikamma kapilanu ri rompo'-rompo'na butta Arab.

YEREMIA 49:28

Iaminne kananNa Batara ri sesena suku Kedar siagang daera-daera kakoasanna Hazor, ia le'baka naalle Nebukadnezar karaeng Babel, “He Nebukadnezar, bunduki suku Kedar siagang ancuruki sikamma tau niaka iraya!

PANGNGEBARANG 27:26

Battu ri bulunna sikamma gimbala'nu anggappako pakeang, siagang battu ri ballinna bembenu sipa'gang akkulleko anggappa pammali butta beru.

YESAYA 42:11

Sikamma parang lompoa siagang kota-kotaya, mammujiko ri Batara, baji'mi na mammuji ri Batara pandudu'na Kedar! Pandudu'na kota Sela, akkio' rannuko, akkio'-kiokko battu rate ri coppo'na monconga!

YEREMIA 2:10

Jappai biring lau'na Siprus, kiringi taua anrai' ri pa'rasangang Kedar, paressa bajiki anjoreng, maka nia' kajariang kammaya?