YEHEZKIEL 26:9 - KITTA' MATANGKASA'

⁹ Lanarumbangi ke'nanga tembo'-tembo'nu siagang pakkakasa' panrumbang siagang naruntungi menara-menaranu siagang polongang-polongang bassi.

YEHEZKIEL 26:9 Referans Kwoze

2 PATTOTTORANG 26:15

Sikamma tucara'de'na appare' sanjata ri Yerusalem le'baki appare' sanjata akkullea nipake ammana siagang ammatte' battu lalang ri menaraya siagang panyingkulu'-panyingkulu'na kotaya. Masahoroki arenna kemae-kemae, siagang sanna'mo lompona koasana lanri nitulungi ri Allata'ala.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 26:4

Lanaancuruki tembo'-tembo'nu siagang lanaruntungi menara-menaranu. Sikontu butta niaka anjoreng laKubarrasaki, sa'genna ia tassesaya iamintu se're mami batu kalotoro' ri tangngana tamparanga.

YEHEZKIEL 26:8

Pandudu'na sikontu kotaya ri bontoa lanibunoi lalang pa'bundukanga anjo. Musua langngekei kaloro'-kaloro' pattahangngang, appare' tembo'-tembo' pakkurung siagang anynyusung pannangkisi'-pannangkisi' lompo untu' napake ke'nanga salaku pattahangngang angngewako.

YEHEZKIEL 26:10

Tamaka jaina jaranna ke'nanga, sa'genna bate bangkenna appa'niaki limbu'bu' anri'ba' angkalimbukiko. Sa'ra galutturu'na pasukang a'jaranga, iamintu a'besoka bokong siagang kareta pa'bundukang, lanapa'galatturuki tembo'-tembo'nu ri wattunna naolo ke'nanga sikamma pakke'bu' lompoa nantama' ri anjo kota runtungamo.