YEHEZKIEL 26:7 - KITTA' MATANGKASA'

⁷ Nakana Batara Kaminang Tinggia, “LaKuerangi Karaeng Nebukadnezar battu ri Babel, untu' ambundukiko, he Tirus. Anjo karaeng kaminang kassaka laniaki battu wara' siagang tantara lompo, siagang jai jarang, kareta-kareta pa'bundukang, kammayatompa pasukang a'jarang.

YEHEZKIEL 26:7 Referans Kwoze

DANIEL 2:37

Karaengku mala'birika, iami karaenna sikamma karaenga; ikattemi karaeng kaminang makoasaya. Allata'ala ri suruga le'ba' assareki anne kakaraenganga, kakoasanga, kagassinganga siagang kalompoanga.

EZRA 7:12

“Battu ri Karaeng Artahsasta mae ri Imang Ezra, panrita HukkunNa Allata'ala makoasaya ri suruga.

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

HOSEA 8:10

Mingka manna nakamma laKupasse'rei siagang laKuhukkungi ke'nanga. Tasalloami nalakkunrareng ke'nanga napakamma sessa, punna nijallakkang ke'nanga ri karaeng Asyur.

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

YEREMIA 52:32

kammayatompa nagaukammi bajika ri ia. Nasarei Yoyakhin empoang tinggiangngang nasikamma karaeng maraeng nipelaka ri Babel.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

YESAYA 10:8

Lanapa'borroangi kalenna, na nakana, “Sikamma panglimaku sangnging karaeng!

YEHEZKIEL 26:3

Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

YEHEZKIEL 17:14

sollanna takkulleamo ambangung ammotere' anjo kakaraengang Yehuda, siagang untu' ampattantui angkanaya anjo parjanjianga akkulle tojeng-tojengi nirupai.

YEREMIA 6:23

Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

YEREMIA 4:13

Ciniki, ammumbami musua sanrapang rammang. Kareta-kareta pa'bundu'na rapangi anging barubu, jarang-jaranna gassingangngangi larina najangang-jangang rajawali. Cilaka maki'! Panra' maki'!

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.