YEHEZKIEL 26:3 - KITTA' MATANGKASA'

³ Nakana Batara Kaminang Tinggia, “INakke musunnu he Tirus! LangngerangA' jai bansa battu untu' ambundukiko, siagang labattui ke'nanga sanrapang bombanna tamparanga.

YEHEZKIEL 26:3 Referans Kwoze

YEREMIA 51:42

Je'ne' tamparanga allumpai nai' ri Babel; bombanga ammarrungi antujui anjo pa'rasanganga.

YESAYA 5:30

Anjo wattua nia' kalangngerang sa'ra pakkio' bundu' ri sikontu pa'rasangang Israel, kamma sarrinna arrunna bombang tamparanga. Ciniki, sassangi sikontu anjo pa'rasanganga, rassi kasukkarang. Singaraka a'jari sassang makkapu'.

MIKHA 4:11

Jaimi bansa akkumpulu' ero' ambundukiko, he Yerusalem! Nakana ke'nanga, “Musti niancuruki Yerusalem! Eroki ikambe anciniki anjo kotaya a'jari loro!”

LUKAS 21:25

“Lania' sallang pammatei irate ri alloa, ri bulanga, siagang ri bintoeng-bintoenga. Lamallaki siagang lalingui bansa-bansaya ri lino, andallekangi anging lompona siagang bombanna tamparanga.

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

NAHUM 2:12

Riolo anjoreng singaya najakkala' apa lanakanrea, nampa nabage-bage dagenna mae ri singa ganaya siagang ana'na. Napirassi leanna siagang toppa'-toppa' dageng wassele' nagappaya naondang.

YEHEZKIEL 38:3

Paui mae ri ia angkana iNakke, Batara Kaminang Tinggia, musunna.

YEHEZKIEL 28:22

Pabattui mae ri pandudu'na angkana iNakke, Batara Kaminang Tinggia, angkana ri ke'nanga, ‘INakke anne musunnu Sidon. LanapaleceA' taua lanri tindakangKu mae ri kau. Ri wattunna Kuhukkung pandudu'nu, naassemmi pandudu'nu angkanaya iNakkemi Batara matangkasaka.

YEHEZKIEL 27:26

Sikamma pabisea angngerangko mae ri tamparang luaraka. Nilappoko ri anging battu raya sannaka lompona.

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YEREMIA 50:42

Sanjatana ke'nanga iamintu pana siagang poke; pallaki natangngassenga appammopporang. Rapang sa'ra tamparang a'gamarrung kammami anjo sa'ra bangkeng jaranna ke'nanga nipalaria maju ambunduki Babel.

YEREMIA 50:31

Babel, ikau tinggi langga duduko! Lanri kammana anjo, iNakke, Batara Kaminang Tinggia, Allata'ala Kaminang Koasaya, angngewako. Narapi'mi wattunnu Kuhukkung.

YEREMIA 21:13

Nampa Nakana Batara mae ri Yerusalem, “He Yerusalem! La'bi tinggiangngangi pa'dongkokannu nasikamma ka'bung lappara' niaka ri tammulilinu. Sangkammako bulu' batu ammenteng tinggia' nai' ri parang lapparaka, mingka iNakke langngewako. Nukana kalennu angkana tena manna sitau akkulle ambundukiko yareka anrumbangi tembo'-tembo' pattahangannu,

YEREMIA 6:23

Sanjatana ke'nanga iamintu pana siagang poke; sanna' palla'na ke'nanga natena pangngamaseanna. Rapang bombang a'jalloka, kammaminjo sa'ra bangkeng jaranna nadongkokia untu' maju a'bundu', ambuccuki Yerusalem.”

PAMMUJI 107:25

Lanri parentaNa nammiri' anging puttusuka Napabattu bombang-bombang lompoa.

YEHEZKIEL 26:19

Nakana Batara Kaminang Tinggia, “Kupa'jariko sino sikali sangkamma kota tenaya pandudu'na. LaKutambungiko siagang je'ne' battu ri tamparang lompoa.

YEHEZKIEL 29:10

jari iNakkemi a'jari musunnu, siagang musunna anjo Nil binanganu. Sikontu Mesir laKupa'jari butta sino appakkaramula battu ri kota Migdol bageang wara' sa'genna kota Aswan ri bageang timboro', sa'genna pa'baeng-baenna Sudan.

NAHUM 3:5

Nakana Batara Kaminang Koasaya, “He Niniwe laKusessako! Kusungkei pakeannu ri dallekanna bansa-bansaya, sa'genna nacini' ngaseng ke'nanga kodinu.

ZAKHARIA 9:4

Mingka Nipa'jari kasi-asi ri Batara. Sikontu kakalumanynyangnganna anjo kotaya lanipelaki antama' ri tamparanga siagang anjo kalenna kotaya lala'busuki nikanre ri pepe'.