YEHEZKIEL 25:8 - KITTA' MATANGKASA'

⁸ Nakana Batara Kaminang Tinggia, “Napaui Moab angkanaya anjo Yehuda sangkammai siagang bansa-bansa maraenga.

YEHEZKIEL 25:8 Referans Kwoze

YEREMIA 27:3

Nasuro tonga' ampabattui pasanNa mae ri karaeng-karaeng Edom, Moab, Amon, Tirus siagang Sidon, tete ri sikamma tunasuroa ke'nanga ia niaka battu mange ri Yerusalem untu' angkunjungi Karaeng Zedekia.

YESAYA 25:10

LaNajagai Batara Bulu' Sion, mingka tembo' pattahanganna Moab lanaonjo'-onjokangi rapang rarame ri tampa' loroa.

PAOLE 2:5

mingka teako bunduki ke'nanga, nasaba' tena manna sike'de' battu ri buttana ke'nanga laKupassareang mae ri kau, nasaba' anjo daera Edom le'ba'mi Kupassareang mae ri jari-jarina Esau.

PAMMILANGNGANG 24:17

Kuciniki, mingka teai ri kamma-kammana anne; kuparhatikangi, mingka battu bellai. Sitau karaeng battu ri Israel assala'na, labattu sanrapang bintoeng accaya. Lanalissaraki sikamma pamimpinna Moab lanaancuruki bansa Set.

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

2 PATTOTTORANG 32:19

Lalang bicaranna ke'nanga napasangkammai anjo Allata'ala nisombaya ri Yerusalem siagang rewata-rewatana bansa maraenga, iamintu patung-patung bate pare'na rupataua.

YEREMIA 12:14

Nakana Batara, “Iaminne pasangKu ri passala'na bansa-bansa singngampi'na Israel, ampanrakiai pa'rasangang Kupassareanga mae ri ummakKu Israel. Rapang lamung-lamung nibi'buka battu ri buttaya, kamma tomminjo sikamma tau ja'dalaka laKupasuluki battu ri sikamma pa'rasanganna ke'nanga, kammayatompa laKulappassangi Yehuda battu ri panna'gallanna ke'nanga.