YEHEZKIEL 24:9 - KITTA' MATANGKASA'

⁹ Nakana Batara Kaminang tinggia, “Cilakai anjo kota rassia siagang pabuno-buno! KalengKu lappa'gompo kayu untu' antunui.

YEHEZKIEL 24:9 Referans Kwoze

HABAKUK 2:12

Nitunraiko ikau! Appaentengko kota irate ri kaja'dallannu siagang nubangungi lalang pammunoang.

YEHEZKIEL 24:6

Nakana Batara Kaminang Tinggia, “Cilakai anjo kota rassia siagang pabuno-buno! Anjo kotaya rapangi uring taiang tenaya nale'ba' nikeso'. Dageng niaka ilalanna nipasulu' tassikere'-kereki, sa'genna manna sikere' tania' ammantang tassesa.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

PAPPICINI' 14:20

Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

NAHUM 3:1

Cilakai anne kota rassia balle-balle siagang pammunoang; rassia barang-barang nirampasa' yareka nialle passa.

YEHEZKIEL 22:31

Lanri kammana anjo kamma-kamma anne Kupabattumi pangngalarroingKu mae ri ke'nanga, siagang rapang pepe' laKupanraki ke'nanga lanri sikontu panggaukanna ke'nanga. INakke, Batara Kaminang Tinggia, anne akkana.”

YESAYA 31:9

Lalari karaenna ke'nanga napakamma malla', nampa sikamma perwirana sanna' ta'bangkana, sa'genna nabokoi ke'nanga sikamma bandera pa'bundukanna.” Batara le'ba' akkana, Batara nisombaya siagang nipakalompoa, nisarea koro'bang nitunu ri Yerusalem.

YEHEZKIEL 24:10

Tambai kayunna! Kapeki pepe'na! Pallui dagenna! Pelaki je'ne'na. Tunui buku-bukunna!

YEHEZKIEL 21:2

“He tau, tunrai Yerusalem! Tunrai tampa'-tampa' ibadana anjoreng. Pakaingaki butta Israel

YEHEZKIEL 21:3

angkanaya iNakke, Batara, akkana kamma anne, ‘INakke anne musunnu. LaKubi'buki pa'dangKu nampa Kubuno ngasengko, tau ja'dalaka siagang tau bajika.

YEHEZKIEL 22:2

“He tau, sadia mako untu' angngadeli anjo kota rassia pabuno? Picinikiangi sikontu panggaukanna appakaringika.”

YEHEZKIEL 24:5

Dageng gimbala' co'mo' siagang rungka nupake tambai pasadia kayu tunuanna. Lappassangi a'rerea tojeng je'ne'na pallui anjo dagenga siagang buku-bukunna.”