YEHEZKIEL 23:45 - KITTA' MATANGKASA'

⁴⁵ Mingka sikamma tau bajika lanaadeli anjo tau ruaya assari'battang, passabakkang a'gau' bawang siagang pammunoang, lanri sala memang tongi ke'nanga.”

YEHEZKIEL 23:45 Referans Kwoze

HOSEA 6:5

Lanri kammana anjo Kusuromi battu na'bi-na'biKu untu' ampabattui mae ri kau kaputusangKu angkanaya musti nihukkung ngasengko siagang nipanrakiko. Apa Kukaerokia battu ri kau ngaseng a'nassami siagang singara'mi:

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

YEREMIA 5:14

Nampa Nakana Batara Kaminang Makoasaya ri nakke, “Yeremia, lanri akkana kammana ngaseng anjo sikamma taua, lanitujui ke'nanga ri bala nakanaya ke'nanga tena nalakajariang. LaKupa'jari kana-kanangKu rapang pepe' lalang ri bawanu. Anne bansaya lasanrapangi kayu tunuang, nalanikanre ke'nanga ri anjo pepeka sa'genna la'busu'.”

KAIMANGNGANG 21:9

Punna nia' ana' baine imang a'jari baine pagau' sala, nahinai manggena siagang musti nitunui sa'genna mate.

YEHEZKIEL 22:3

Nasuroa' Batara Kaminang Tinggia ampabattui anne pasanNa mae ri Yerusalem, angkana, “Ikau salako lanri le'bakko ammuno jai tau battu ri pandudu'nu tonji, siagang nura'massi kalennu lanri anynyombako mae ri barhala-barhala nupareka kalennu. Lanri kammana anjo a'reppese'mi wattunnu laniadeli siagang lanarapi'mi kala'busang riwaya'nu. LaKubalang parekangko nicau-cau siagang nikakkali ri bansa-bansaya siagang ri sikontu pa'rasanganga.

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

YEHEZKIEL 23:44

A'le'basa'-le'basaki taua battu mange ri Ohola siagang Oholiba, anjo ruaya pasundala' panrakamo.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

YEREMIA 2:34

Ra'masaki pakeannu napakamma cera'na tu kasi-asia siagang tau tenaya salana, teai cera'na palukka' nijakkalaka. Mingka manna nakamma

PIRAUNG 4:14

Rapang tau buta antulakkangi aganga a'jappa kammami anjo pamimping-pamimpinna kota Yerusalem. Ra'masaki care-carena napakamma cera' sa'genna tenamo tau ero' anseroi ke'nanga.

YEHEZKIEL 24:7

Anjoreng ri kotaya kajariangi pammunoanga, mingka cera'na tena nata'bene naung ri buttaya, passangalinna nai' ri batu terasaka, sa'genna takkullea nitambungi.