YEHEZKIEL 23:43 - KITTA' MATANGKASA'

⁴³ Nampa Kupikkiri' angkana, ‘Maka ero' iji anjo sikamma taua attanring-tanring siagang anjo pasundala'-pasundala' kalumengamo lanri passundallang?’

YEHEZKIEL 23:43 Referans Kwoze

DANIEL 9:16

Le'ba'mi Kiallei ikambe ri jammang riolo, lanri kammana anjo tea maKi' larroi pole mae ri Yerusalem, kota KalenTa, bulu' matangkasatTa. Lanri dosana ikambe siagang kaja'dallanna boe-boena ikambe, nasikontu tau niaka ri tammulilina ikambe nacini' tunami kota Yerusalem siagang ummatTa.

YEHEZKIEL 23:3

Ri wattu lolona ammantangi ke'nanga ri Mesir. Anjoreng panra'mi katauloloanna ke'nanga, nampa a'jari pasundala'mo.

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

PAMMUJI 106:6

Dorakami ikambe sangkamma boe-boena ikambe; a'gau' ja'dala'mi siagang dorakami ikambe.

EZRA 9:7

Battu ri boe-boena ikambe sa'genna kamma-kamma anne, ikambe ummatTa dorakai ri Katte. Lanri kammana anjo, nasikamma karaenna siagang imanna ikambe nibetami ri karaenna bansa-bansa maraenga. Nibunoi ikambe, niellaki, siagang nierangi mange nipela'. Nihina tojeng-tojemmi ikambe, sangkamma kaadaanga anne alloa.

YEHEZKIEL 23:44

A'le'basa'-le'basaki taua battu mange ri Ohola siagang Oholiba, anjo ruaya pasundala' panrakamo.