Biblia Todo Logo
Bib sou entènèt

- Piblisite -




YEHEZKIEL 23:38 - KITTA' MATANGKASA'

38 Nampa tena naanjo bawang. Nara'massi tongi ke'nanga BallakKu siagang allo Pammari-marianga, le'baka Kupattantu.

Gade chapit la Kopi




YEHEZKIEL 23:38
13 Referans Kwoze  

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.


lanri nabalang parekanna ke'nanga parenta-parentaKu, nadakkai hukkung-hukkungKu, nara'massi allo Pammari-marianga, siagang tuli anynyombana ke'nanga ri rewata-rewata nasombaya boe-boena ke'nanga.


Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.


Gambara'na Dewi Asyera naboliki lalang ri Balla'Na Batara, padahala' ri passala'na anjo tampaka le'ba'mi Napau Batara mae ri Daud siagang ana'na iamintu Salomo angkana, “Anne BallakKu siagang anne kota Yerusalem, le'ba'mi Kupile battu ri alla'na daera sampuloa anrua suku Israel, iamintu tampa' le'baka Kupattantu a'jari tampa' panynyombang mae ri KalengKu.


Tampa'-tampa' ibadaya mae ri Nakke nura'massi siagang tena nanujampangi allo Pammari-marianga.


Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”


Le'ba'mi Napau Batara angkanaya anjo Yerusalem tampa' kahaderanNa siagang tampa' panynyombang mae ri KalenNa; mingka anjoremmi, iamintu ri Balla'Na Batara le'ba' Manasye ambangung tampa'-tampa' pakkoro'bangngang untu' rewata-rewataya.


INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.


Nakana Batara Kaminang Tinggia, “He tu Israel, kamma-kamma anne battu ri kau tommami. Patulusu'mi a'gau' dosa anynyomba ri barhala-barhalanu! Mingka u'rangi angkanaya punna le'baki anjo musti mannurukiko ri Nakke siagang tenamo nanura'massi areng matangkasakKu lanri angngerannu passare mae ri anjo barhala-barhalanu.


Sikamma imanna tu Israel nadakkai hukkung-hukkungKu siagang nara'massi apa-apa le'baka nisa'la' untu' iNakke. Tena napasimmaraengi ke'nanga angkanaya kereanga hallala' siagang kereanga harang. Tena todong naajaraki ke'nanga ra'yaka untu' ampasimmaraengi angkanaya kereanga tangkasa' siagang ra'masa' manuru' paratorang agamaya. Tena najampangi ke'nanga allo Pammari-marianga. Lanri kammanami anjo nanahinaMa' bansa Israel.


Swiv nou:

Piblisite


Piblisite