YEHEZKIEL 23:32 - KITTA' MATANGKASA'

³² Nakana Batara Kaminang Tinggia, “Nua'luki bonena cangkiri'na daennu. Cangkiri' lompo na lantang. Bonena rassi kana pacau-cau siagang patoa-toai, musti nutarima battu ri taua.

YEHEZKIEL 23:32 Referans Kwoze

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

PAMMUJI 60:3

Kitollaki ikambe, o, Allata'ala, siagang Kibalang parekangi ikambe nibeta. LarroKi' mae ri kambe; kamma-kamma anne Kibajiki lalomi ammotere' ikambe.

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.

PAPPICINI' 16:19

Assisa'la'mi anjo kotaya ta'bage tallu, siagang ancuru' tommi kota-kotaya ri sikontu pa'rasanganga ri linoa. Nampa Nau'rangimo Allata'ala anjo Babel lompoa. Jari Napainummi Allata'ala anjo Babel anggoro' battua ri pammoneang anggoro'Na Allata'ala – iamintu anggoro' pangngalarroi lompoNa.

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

YEHEZKIEL 35:15

sangkamma todong sannannu ri wattunna a'jari sino Israel Kupatanga. Moncong-moncong Seir, ba'lalo sikontu Butta Edom la'jari sino sikali. Jari sikontu taua lanaassemmi angkanaya iNakkemi Batara.’ ”

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

YEHEZKIEL 25:6

Nakana Batara Kaminang Tinggia, “Attempa limako siagang a'rannu-rannuko. Nupakatunai butta Israel.

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.

YEREMIA 25:9

‘LaKukioki sikontu bansaya battu wara', kammayatompa atangKu Nebukadnezar karaeng Babel. LaKupaturungi ke'nanga untu' a'bundu' angngewai Yehuda siagang pandudu'na kammayatompa sikontu bansa niaka ri tammulilina. Lanipanraki bansa Yehuda siagang bansa-bansa naaganga singngampi', nampa Kubalang parekang ancuru' sa'genna satunggu-tungguna. Sikamma tau ancinikai lata'bangkai siagang a'jari mallaki. INakke, Batara, anne akkana.

PAMMUJI 79:3

Ri sikontu kota Yerusalem tattumpa cera'na ke'nanga sanrapang je'ne'; tena antarawangi ke'nanga.

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

PAOLE 28:37

Ri pa'rasangang-pa'rasangang tampa'nu nipasisa'la'-sa'la' ri Batara, lata'bangka ngasengi taua ancinikko; lanicau-cauko siagang lanikakkaliko ri ke'nanga.

PAMMUJI 44:13

Kibalukangi ummatTa natena siapa anggaranna, siagang tena apa-apa passawallang Kigappa.

YEHEZKIEL 5:14

La'jari mamako rapang loro-loro bawang, nampa sikontu bansa-bansa niaka ri tammulilinu lanacau-cauko; tunggala' tau allaloa la'lili ngasengi ampakabellai kalenna battu ri kau.

YEHEZKIEL 5:15

Punna larroA' siagang lussaKa' mae ri kau, kammayatompa Kuhukkungko, sikontu bansa-bansa niaka ri tammulilinu la'jari mallaki nakasia'. Lanacau-cauko siagang lanrei ancinikko.

YEHEZKIEL 16:57

siagang tenapa nakaassengang kaja'dallannu? Kamma-kamma anne sangkamma le'ba' jako siagang ia; ikau nikakkali mako ri tu Edom, tu Filistin siagang sikamma siampi'nu birisika mae ri kau.

HOSEA 7:16

Tulusu' amminawanna ke'nanga ri rewata-rewata tena sikalia koasana. Takkulleai nipattoang ke'nanga, rapang anrong pana akkombeka otere'na. Tampoi a'bicara pamimping-pamimpinna ke'nanga, passala' kammanami anjo nalanibuno ke'nanga siagang pa'dang, na nikakkali ri tu Mesir.”