YEHEZKIEL 23:27 - KITTA' MATANGKASA'

²⁷ Kammami anjo bateKu lampamari balere'nu siagang sikontu gau' bawang nugaukanga appakkaramula ri nia'nu ri Mesir. Tenamo nulamanrannuang pole mae ri manna pole barhala battu kemae yareka angngu'rangi mae ri Mesir.”

YEHEZKIEL 23:27 Referans Kwoze

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YEHEZKIEL 23:19

Pila' sallo pila' a'mole-molemi a'gau' bawang, tena le'ba' sisalana ri wattunna lolo a'jari pasundala' ri Mesir.

YEHEZKIEL 23:3

Ri wattu lolona ammantangi ke'nanga ri Mesir. Anjoreng panra'mi katauloloanna ke'nanga, nampa a'jari pasundala'mo.

ZAKHARIA 13:2

Ri anjo alloa laKupattaenami areng-arenna barhala-barhalaya battu ri anne buttaya, sa'genna tenamo manna sitau angngu'rangi. Sikontu tau nakanaya kalenna na'bi siagang tau a'balle-ballea nakana kalenna napantamakki roh, laKubongka kabusuki.

YEHEZKIEL 22:15

LaKupasisa'la'-sa'laki pandudu'nu mange ri sikontu pa'rasanganga siagang bansaya, siagang laKupammari anjo panggaukang ja'dala'nu.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEHEZKIEL 24:11

Kamma-kamma anne padongkoki anjo uring tambaga kosonga irate ri pepeka siagang lappassangi sa'genna a'jari eja a'bara. Punna le'ba'mo akkanre taianna, anjo uringa latangkasa'mi ammotere' situru' atorang agamaya.

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.