YEHEZKIEL 23:24 - KITTA' MATANGKASA'

²⁴ Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

YEHEZKIEL 23:24 Referans Kwoze

YEHEZKIEL 26:10

Tamaka jaina jaranna ke'nanga, sa'genna bate bangkenna appa'niaki limbu'bu' anri'ba' angkalimbukiko. Sa'ra galutturu'na pasukang a'jaranga, iamintu a'besoka bokong siagang kareta pa'bundukang, lanapa'galatturuki tembo'-tembo'nu ri wattunna naolo ke'nanga sikamma pakke'bu' lompoa nantama' ri anjo kota runtungamo.

YEHEZKIEL 23:45

Mingka sikamma tau bajika lanaadeli anjo tau ruaya assari'battang, passabakkang a'gau' bawang siagang pammunoang, lanri sala memang tongi ke'nanga.”

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

YEHEZKIEL 21:23

Tena natappa' pandudu'na Yerusalem angkanaya lanibunduki ke'nanga, lanri le'baki ke'nanga appare' parjanjiang siagang Babel. Mingka anne botoa lampakaingaki ke'nanga angkanaya lanijakkalaki ke'nanga lanri dosa-dosana.

YEHEZKIEL 26:7

Nakana Batara Kaminang Tinggia, “LaKuerangi Karaeng Nebukadnezar battu ri Babel, untu' ambundukiko, he Tirus. Anjo karaeng kaminang kassaka laniaki battu wara' siagang tantara lompo, siagang jai jarang, kareta-kareta pa'bundukang, kammayatompa pasukang a'jarang.

YEREMIA 52:9

Nampa nierang Karaeng Zedekia mange ri Karaeng Nebukadnezar ri kota Ribla ri daera Hamat, nampa nitappuki hukkungang mate nagappa.

YEREMIA 52:11

Le'baki anjo nikocci'mi assulu' matanna Zedekia, nampa nisikko' siagang nierang mange ri Babel. Anjoreng nipantamaki ri tarungkua, siagang tale'bakai assulu' battu anjoreng sa'genna mate.