YEHEZKIEL 23:18 - KITTA' MATANGKASA'

¹⁸ Le'baki anjo a'nassa-nassami a'jari pasundala' siagang napappicini'-cinikammi tubuna mae ri tau jaia. ErokKa' takkoa' Kusa'ring anciniki, sangkamma todong erokKu takkoa' anciniki daenna.

YEHEZKIEL 23:18 Referans Kwoze

YEREMIA 12:8

Umma' nipileKu nabaliangA'; rapang singa ri romang lompoa, kammaminjo ammarrunna sa'ranna ke'nanga mae ri Nakke. Iaminjo saba'na naKubirisi' mae ri ke'nanga.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 78:59

Nacini'na kammaya, tamaka larroNa Allata'ala, Natolla' tojeng-tojemmi ke'nanga.

YEHEZKIEL 21:24

INakke, Batara Kaminang Tinggia angkana ri ke'nanga, ‘Niassemmi dosa-dosanu siagang kabusu'na taua naassemmi angkanaya salako. Kaja'dallannu a'nassai battu ri sikamma panggaukannu. Kamma-kamma anne narapi'mi wattunnu lanihukkung siagang laKupassareangko mae ri musunnu.’

YEREMIA 8:12

He ummakKu, mustina siri'-sirikko lanri le'ba'na ngaseng nugaukang anjo apa tuna kammaya! Mingka kapala' rupako siagang tena siri'-siri'nu. Lanri kammana anjo latu'gurukko sangkamma tau maraeng le'baka tu'guru'; cappu'mi riwaya'nu punna Kuhukkungko.

YEREMIA 6:8

He pandudu' Yerusalem, poro anjo sikontu kasukkaranga a'jari pappaingaki ri kau! Gassingka Kubokoiko siagang Kupinrai kotanu a'jari parang lompo tenaya nipammantangngi ri tau.”

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

AMOS 6:8

Naterassimi Batara Kaminang Koasaya siagang Kaminang Tinggia ampassareangi pappakainga' kammaya anne: “Birisiki nyawaKu mae ri katampoanna umma' Israel; tena nasannang nyawaKu mae ri sikamma balla' karaeng ga'gana ke'nanga. Ibukotana ke'nanga siagang sikontu bonena laKupassareangi mae ri musua.”

AMOS 5:21

Nakana Batara, “Kukabirisi siagang lanreA' anciniki passua'-suarranna agamanu!

HOSEA 7:1

Nakana Batara, “Sampang eroki Kupammolle ummakKu Israel siagang Kupakabaji' ammotere' pattallassanna ke'nanga ia tuli Kucinika iamintu kaja'dallanna siagang dosana bawang ke'nanga. Assitipui para ia ke'nanga, antamaki ri balla'na taua a'lukka', siagang angngellaki ke'nanga ri aganga.

HOSEA 2:2

Nakana Batara, “He ana'-anakKu, anjo amma'nu teaimi bainengKu, siagang iNakke teaiMa' bura'nenna. Lanri kammana anjo akkara-kara mako siagang ia, sollanna tenamo na'gau' bawang siagang assundala' pole.

PIRAUNG 2:7

Nasorongbokoi tampa' pakkoro'bangngang matangkasa'Na, na Nabokoi Balla' KalenNa; Nalappassangi musua anruntungi tembo'-tembo'na. Ri tampatta riolo anynyomba siagang assua'-suara', napakemi musua ma'rannu-rannu lanri ammetana.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

YESAYA 3:9

Sipa' borrona ke'nanga ampa'nassai kaja'dallanna ke'nanga. A'nassa-nassai ke'nanga doraka sangkamma tu Sodom riolo. Cilakami ke'nanga! Kalenna tonji ke'nanga ampabattui cilakaya mae ri kalenna.

PAOLE 32:19

Nacini'na gau'-gau'na ana'-ana'Na larromi Batara nampa Natolla' ke'nanga.

YESAYA 57:8

Attannangko patung-patung rantasa' ri dallekang pakke'bu' balla'nu. NubokoiMa' iNakke. Nupasuluki pakeannu nampa naikko ri katinroang napakaluaraka bayuannu nugajia untu' nuagang sikatinroang, nampa nupassukku' hawa napasunu.

YEHEZKIEL 23:9

Lanri kammana anjo Kupassareammi mae ri sikamma tanrinna, iamintu sikamma tu Asyur sannaka nakanakkukinna.

YEHEZKIEL 23:10

Nisolarrimi ri ke'nanga siagang kasara', nampa nabuno siagang pa'dang, na narampasa' ana'-ana'na. Kemae-kemae anjo sarenna nipare' caritai ri tubai'-bainea.

YEHEZKIEL 23:19

Pila' sallo pila' a'mole-molemi a'gau' bawang, tena le'ba' sisalana ri wattunna lolo a'jari pasundala' ri Mesir.