YEHEZKIEL 23:14 - KITTA' MATANGKASA'

^14-15 Pila' sallo pila' panraki anjo Oholiba. Sanna' nangaina anjo gambara'-gambara' ta'ukirika ri rinring, nicuraka siagang ce' eja kamma cera'. Anjo gambara'-gambaraka iami pangngebarranna perwira-perwira tantarana Babel siagang passikko' aya' ga'ga kammayatompa soro'bang a'doleng naung.

YEHEZKIEL 23:14 Referans Kwoze

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.

YEREMIA 22:14

Cilaka tongi tau angkanaya, “Lambangunga' balla' karaeng lompoa siagang luaraka kamara'na ri bageang lonjo' iratea,” nampa napare' ri anjo balla' karaenga jandela ammake les kayu camara Libanon, siagang nice' eja.

YEHEZKIEL 16:29

Nampa a'jariko pasundala' mae ri tu Babel, anjo bansa padangganga. Mingka tena todong nakkulle ke'nanga ampassanggai baji'na pakkasia'nu.”

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

YESAYA 46:1

Iaminne kale'bakkanna rewata-rewata Babel; riolo nisombai patung Bel, siagang Nebo, mingka kamma-kamma anne nipatekeki ri olo'-olo' a'jari erangang mae ri olo'-olo' posoa.

YEHEZKIEL 23:13

Kuciniki angkanaya anjo Oholiba sanna' sikali panra'na, sangkamma daenna.

YEHEZKIEL 23:23

LaKupa'rappungi siagang laKuerangi mae ri kau sikamma tanrinnu battu ri Babel, Pekod, Soa, Koa Asyur, kammayatompa tu Kaldea. Kuerang tongi mae ri kau sikamma tu bura'ne gammaraka siagang tinggia pangka'na, bija karaenga, pagawe-pagawe tinggia, siagang perwira-perwira pasukang a'jaranga.

NAHUM 2:3

Pannangkisi'na musua ejai tanja'na, nampa pakeanna kontui cera'. Sadiami musua untu' a'bakka. Rapang pepe', accillaki bassi karetana. Sikontu jaranna a'lumpa'-lumpaki.