YEHEZKIEL 22:29 - KITTA' MATANGKASA'

²⁹ Sikamma tau kalumanynyanga annipui siagang angngellaki. Appaero'-eroki ke'nanga appanggaukang mae ri tau kasi-asia siagang napangngallei passawallang bansa maraeng annumpanga.

YEHEZKIEL 22:29 Referans Kwoze

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

KALAPPASSANG 23:9

Teako paero'-eroki panggaukannu mae ri bansa maraenga; nuassemmi kasia'na nikanaya a'jari bansa maraeng, saba' riolo ikau a'jari bansa maraeng tongko ri wattunnu ri Mesir.”

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

PAMMUJI 94:6

Nabunoi jandaya siagang ana'-ana' kukanga na bansa maraeng ammantanga ri anne pa'rasanganga.

KAIMANGNGANG 19:33

Teako ampanggaukang kodi mae ri bansa maraeng niaka ammantang ri pa'rasangannu.

KALAPPASSANG 22:21

Teako anjallakkangi yareka teako a'gau' tena naadele' mae ri bansa maraenga; u'rangi angkanaya ikau riolo bansa maraeng tonjako annompang ri Mesir.

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

YESAYA 10:2

Kammaminjo caranu anrompai tu kasi-asia anggappai ha'na siagang kaadelanga, siagang nurampasa' apa-apanna sikamma jandaya siagang ana' kukanga.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

MATIUS 25:43

Ri wattungKu a'jari tu battu-battu taerokako ampariballakKa'. Tena Kuccare-care, natanusareA' care-care. GarringA' siagang nitarungkuA', natena nuparakaiA'.’

MIKHA 3:3

Nukanrei bansaku. Bukkulenna nukae-kaei siagang buku-bukunna nuancuruki. Nupolong-polongi ke'nanga rapang tau ammolonga dageng untu' nipantama' ri uringa.

MIKHA 2:2

Punna ero' ke'nanga ri se'reang koko, narampasaki ke'nanga. Punna eroki ke'nanga ri se'reang balla' naalle passai. Baji' barang-baranga kammayatompa kaluargaya tena nia' amang.

YEHEZKIEL 18:12

Nangai annipu tu kasi-asi, angngella', naalle barang-barang napappita'gallanga taua mae ri ia. A'lampai mange ri balla' rewatana tau tenaya natappa' ri Batara siagang anynyombaya barhala appakaringi'-ringi'.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

KAIMANGNGANG 19:13

Teako paccoki parannu tau yareka teako alle passai barang-baranna. Sawala'na tau anjamaya ri kau teako tahangngi, manna pole nasipattanja.

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.