YEHEZKIEL 22:25 - KITTA' MATANGKASA'

²⁵ Sikamma pamimpinna rapangi singa ammammuka ri le'ba'na angngokko' apa-apa. Nabunoi ke'nanga ra'yaka, narampasaki sikontu barang-barang siagang kakalumanynyangngang nabuntuluka siagang jai tubaine janda napakamma ke'nanga.

YEHEZKIEL 22:25 Referans Kwoze

HOSEA 6:9

Imang-imanga ri anjo kotaya rapangi pa'gompoang paella' eroka angngadangi tau ammaloa. Manna ri oloang mangea ri tampa' matangkasaka ri Sikhem nagaukang tonji ke'nanga pammunoanga! Sikontu anjo kaja'dallanna ke'nanga napakkunjungiangi nagaukang.

YEHEZKIEL 13:19

NuhinaMa' ri dallekanna ummakKu, lanri ero'nu poro anggappa sikangkang jelai gandung siagang pirang kere' are roti. Tau tenaya nasala nubunoi, nampa tau siratanga mate nulappassangi attallasa'. Nampa nuballe-ballei ummakKu siagang tappa'mi ke'nanga mae ri kau ngaseng.’ ”

YEREMIA 11:9

Nampa Nakana pole Batara ri nakke, “Tu Yehuda siagang pandudu'na Yerusalem assikongkolo'mi ero' ambaliangA'.

YEREMIA 2:34

Ra'masaki pakeannu napakamma cera'na tu kasi-asia siagang tau tenaya salana, teai cera'na palukka' nijakkalaka. Mingka manna nakamma

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

PAPPICINI' 13:15

Nipa'biammi anjo olo'-olo' makaruaya ansarei nyawa anjo patunga, sa'genna akkullemo a'bicara anjo patunga siagang nabuno sikamma tau tenaya naero' anynyomba mae ri ia.

PAPPICINI' 13:11

Nampa nia' kucini' sikayu olo'-olo' maraeng ammumba battu lalang ri buttaya. Nia' rua tanru'na sangkamma tanru' ana' gimbala'. Sa'ranna sangkammai sa'ra naga.

LUKAS 20:47

Nangai ke'nanga antipui siagang angngalle passai balla'na janda-jandaya. Kammayatompa nangai ke'nanga alla'bu-la'bui sambayanna, sollanna akkulle nacokko kaja'dallanna ke'nanga! Iaminjo nateai sipato' battala'na hukkunganna ke'nanga sallang!”

MARKUS 12:40

Sarro nangai tongi ke'nanga natipu janda-jandaya siagang naalleang balla'na. Na sollanna akkulle natongkoki anjo kaja'dallanna ke'nanga, sarro nangai ke'nanga nala'bu-la'bui punna assambayangi. Mingka sanna' battala'na sallang hukkungang lanagappaya ke'nanga!”

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

PIRAUNG 4:13

Mingka kajariang tojemmi anjo kammaya, lanri dosana sikamma imanga siagang na'bia. Le'baki napasolong cera'na tau tenaya salana.

PIRAUNG 2:14

Apa napabattua na'bi-na'bia mae ri kau, sangnging balle-balleji bawang. Tena le'bakai nasungke ke'nanga dosanu, sa'genna tena nutoba'. Kabalekanna iaji bawang napabattu ri kau kana-kana baji' a'balle-ballea.

YEREMIA 15:8

Larassi pa'rasangannu ri janda, la'biangngang na kassika ri biring tamparang jaina. LaKubunoi sikamma taua ri wattu rungkana sa'genna pa'risi' nasa'ring amma'na ke'nanga. Ri wattu alloa Kupabattui mae ri ke'nanga sitau tulammanraki sa'genna malla' siagang lussa' ke'nanga.

YEREMIA 6:13

Yangasenna ke'nanga, ca'di lompo, massing kaparalluang kalenna naboya lalang panggaukang tenaya nalambusu'. Ba'lalo manna na'bia siagang imanga annipu tongi tau.

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YESAYA 56:11

Rapangi ke'nanga kongkong angngoaya, tenaya bassoro'na. Takkulleai nipahang apa ero'na anjo sikamma pamimpinga. Massing nagaukangi ke'nanga apa nangaia siagang kaparalluang kalenna.

1 KARAENG-KARAENG 22:23

Nampa nakana pole Mikha, “Jari iaminjo kajarianga! Nipa'jari a'balle-balle ngasemmi ri Batara anjo na'bi-na'bita, nasaba' le'ba'mi Napattantu Batara angkana laNapitujuiki' bala!”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEHEZKIEL 13:2

“He tau, callai na'bi-na'bina Israel appabattua boto napare'-pare' kalenna. Suroi ke'nanga ampilangngeri kanangKu.”

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

YEHEZKIEL 34:2

“He tau, callai sikamma karaeng Israel, siagang pabattui apa Kupaua, iNakke, Batara Kaminang Tinggia mae ri ke'nanga angkana, ‘Cilakako, he sikamma pakalawakinna Israel. Sangnging kaparalluang kalennu bawang nunawa-nawa, teai kaparalluanna sikamma gimbala'nu.

YEHEZKIEL 34:3

Dadi'na nuinungi, bulu-bulunna nupareki pakeang, siagang gimbala' kaminang co'moka nupolongi nampa nukanrei. Tale'bakai nuurusu' sikamma gimbala'nu.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”