YEHEZKIEL 22:24 - KITTA' MATANGKASA'

²⁴ “He tau, paui mae ri tu Israel angkanaya ra'masaki buttana ke'nanga, siagang lanri kammanami anjo naKularro siagang Kuhukkungi ke'nanga.

YEHEZKIEL 22:24 Referans Kwoze

YEREMIA 2:30

Tena matu-matunnu Kuhukkung, lanri teanu appilangngeri pappakainga'. Rapang singa a'jalloka, sangkamma tomminjo batenu ambunoi sikamma na'binu.

YESAYA 9:13

Lanri kammana anjo lalang sialloji bawang Nahukkung Batara sikamma pamimpinna siagang ra'ya'na Israel. Napolongi ulunna nampa Napela' ulunna siagang ingkonna.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

ZEFANYA 3:2

Cilakai kota tenaya naero' antarimai pappakainga'Na Batara, siagang tenaya todong naero' anjampangi pangngajara'Na, tenaya naero' ampappirannuangi sarenna mae ri Batara, siagang tenaya nappala' tulung mae ri Ia!

YEHEZKIEL 24:13

He Yerusalem, anjo panggaukang-panggaukang kodinu nara'massimi kalennu. Kucobami antangkasiko, mingka tena matu-matunna, lanri tuli ra'masa'nu. Tena nulatangkasa' ammotere' sa'genna ammari pangngalarroingKu mae ri kau.

YEREMIA 6:29

Sanna'mi bambanna pappasolonganga, mingka taerokapi a'lesang ra'masa'na siagang tappela' ra'masa'na anjo bulaenga. Tena matu-matunna ummakKu tuli niso'ri untu' nipakati'no', lanri sikamma tau ja'dala'na tena napabellai.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YEHEZKIEL 22:23

A'bicarai pole Batara ri nakke, Nakana,