YEHEZKIEL 22:21 - KITTA' MATANGKASA'

²¹ Iyo, laKupasse'rei ke'nanga ri Yerusalem, Kuparinrai pepe' pangngalarroingKu irawanganna ke'nanga, sa'genna ancuru' assolong ke'nanga.

YEHEZKIEL 22:21 Referans Kwoze

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEREMIA 9:7

Lanri kammana anjo Nakanamo Batara Kaminang Koasaya, “Rapang bulaeng, laKuso'ri ummakKu sollanna a'jari ti'no' ke'nanga. Apapi pole akkulle Kugaukang mae ri ummakKu le'baka a'gau' ja'dala'?

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

YESAYA 64:2

rapang pepe' amparinrayai kayua siagang ampa'rereai je'neka. Kipa'nyatami koasaTa mae ri musu-musunTa, sa'genna annekkere' bansa-bansaya ri dallekanTa.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

PAMMUJI 112:10

Niciniki ri tau ja'dalaka siagang a'jari larroi; nakantisiki giginna ke'nanga lanri birisi'na. Nampa posso'mo ke'nanga; tappela'mi panrannuanna ke'nanga satunggu-tungguna.

PAMMUJI 68:2

Ammentemmi Allata'ala ampasisa'la'-sa'laki musunNa, tau birisika ri Ia larimi battu ri dallekanNa.

PAMMUJI 50:3

Battui Allata'alata siagang talammantangai a'mereki, a'jappa rioloi ri pepe' a'lepa'-lepaka, nikulilingi ri angnging sannaka lompona.

PAMMUJI 21:9

LaNajakkala' ngasengi sikontu musunna, laNaallei sikamma tu mangngabirissia ri KalenNa.

2 KARAENG-KARAENG 25:9

Natunui Nebuzaradan Balla'Na Batara, balla' karaenga siagang balla'na sikontu pamimpinga ri Yerusalem.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.

PAOLE 29:20

Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

YEREMIA 8:13

Ero' duduA' ampasse'rei ummakKu rapang tau ampasse'reai wassele' buttana. Mingka, ummakKu rapangi poko' anggoro' siagang poko' ara tenaya rapponna, ba'lalo manna leko'na kalumeng ngasemmi. Iaminjo saba'na naKukellaimo bansa maraenga battu siagang nakoasai pa'rasanganna ke'nanga. INakke, Batara, anne akkana.”

YEHEZKIEL 21:31

LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.