YEHEZKIEL 22:16 - KITTA' MATANGKASA'

¹⁶ Ikau lanihinako ri bansa-bansa maraenga; nampa nuassemmo angkanaya iNakke Batara.”

YEHEZKIEL 22:16 Referans Kwoze

YEHEZKIEL 6:7

Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

YEHEZKIEL 7:24

Bansa-bansa kaminang sekkeka laKupabattui untu' angngempoi sikamma balla'nu. Sikamma tau porenu kaminang barania la'jari mallaki punna Kulappassang anjo bansa-bansaya angngancuruki tampa'-tampa' ibadanu.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

DANIEL 4:25

Lanibongkai karaengku battu ri pa'rappunganna rupataua nampa attallasa' ri alla'na olo'-olo' niaka ri paranga. Lalang tuju taung langnganreki' ruku' kamma sapi karaeng, siagang attinroki' ri parang tassungkea, sa'genta lanibasai ri allung. Le'baki anjo lakianimi karaeng, angkanaya Allata'ala Kaminang Tinggia makoasa mae ri kakaraenganna rupataua, siagang anjo kakaraenganga Napassareangi mae ri nai-nai Napilea.

YEHEZKIEL 39:28

Jari naassemmi ummakKu angkanaya iNakkemi Karaeng Allata'alana ke'nanga. Nasaba' iNakke angkiringi ke'nanga mange ri butta pammelakkanga, mingka iNakke todong angngerangi ke'nanga ammotere' mange ri pa'rasangang kalenna ke'nanga, natena manna sitau battu ri ke'nanga nibokoi anjoreng.

YEHEZKIEL 25:3

Suroi anjo bansaya ampilangngeri apa Kupaua, iNakke, Batara Kaminang Tinggia, mae ri ke'nanga, angkana, ‘Sannangi nyawanu anciniki BallakKu nira'massi siagang butta Israel nipanraki kammayatompa bansa Yahudi niengka' mange ri pammelakkanga.

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 37:20

O, Karaeng Allata'alana ikambe, Kilappassang laloi ikambe battu ri anjo tu Asyur, sollanna naasseng sikontu bansaya ri lino angkana iKatteji bawang, tena ruanTa Batara ri lino.”

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

1 KARAENG-KARAENG 20:13

Lalang anjo wattua, nia'mo sitau na'bi mange ri Karaeng Ahab na nakana, “Nakana Batara, ‘Nuciniki anjo tantara jaia? LaKusareko pammetang mae ri ke'nanga anne alloa. Lanuassengi angkanaya iNakkemi Batara.’ ”

KALAPPASSANG 8:22

Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

YEHEZKIEL 22:17

Nakana Batara ri nakke,

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.