YEHEZKIEL 21:31 - KITTA' MATANGKASA'

³¹ LaKupa'betteseki larroKu a'rinra-rinraya mae ri kau. Siagang laKupassareangko mae ri tau sekkeka, siagang le'baka nilati untu' ammanraki.

YEHEZKIEL 21:31 Referans Kwoze

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

NAHUM 1:6

Inai akkulle attahang punna larro Batara? Inai akkulle ta'lappasa' battu ri pangngalarroinNa? Napa'betteseki larroNa a'rinraya ancuruki batua a'jari limbu'bu' ri dallekanNa.

YEHEZKIEL 14:19

Nakulle kapang appabattuA' garring mae ri anjo pa'rasanganga, siagang Kupa'bettese' larroKu mae ri ia, sa'genna baji' tau kammayatompa olo'-oloka lamate ngasengi.

YEHEZKIEL 7:8

Tasalloami nanukasia' pangngalarroi lompoKu. LaKuadeliko situru' panggaukannu. LaKubalasaki mae ri kau sikontu panggaukang kodinu.

YEREMIA 4:7

Rapang singa assuluka battu ri paccokkoanna kamma tomminjo a'lampami pammanrakia ri bansa-bansa battua ero' ampanraki Yehuda. Laruntungi Yehuda a'jari kamma loro tampa' tenaya napammantangngi tau.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

PAMMUJI 18:15

Napabuccuki ana'-ana' panaNa nampa Napasimbung sikamma musua; Napasisambung-sambummi Napakila' kila'Na, sa'genna lari ngaseng ke'nanga.

YESAYA 40:7

Rukuka a'jari kalotoro', bungaya a'jari kalumeng, punna Napatui' Batara anging bambanga. Tojeng, anjo bansaya rapangi ruku'.

YESAYA 37:7

LaNipa'jari tappaki ri Batara anjo karaeng Asyur ri kabara' anging, sa'genna ammotere' mange ri pa'rasangang kalenna, nampa anjoreng lanibunoi.”

PAMMUJI 79:6

Kitumpami pangngalarroinTa mae ri bansa-bansaya ia tenaya naassengKi', siagang mae ri sikamma kakaraengang tenaya nanynyomba mae ri Katte.

YEHEZKIEL 7:24

Bansa-bansa kaminang sekkeka laKupabattui untu' angngempoi sikamma balla'nu. Sikamma tau porenu kaminang barania la'jari mallaki punna Kulappassang anjo bansa-bansaya angngancuruki tampa'-tampa' ibadanu.

YEHEZKIEL 25:7

Lanri kammana anjo laKupassareangko mae ri jaia bansa, ia langngellaki siagang anrampasaki apa-apannu. LaKupanrakiko, sa'gennu takkulleamo a'jari se're bansa, siagang tena tommo pa'rasangang kalennu. Nampa nuassemmo angkanaya iNakkemi Batara.”

PAMMUJI 89:40

Kikaluppai parjanjianTa siagang atanTa, Kipasambilai empoang kala'biranna antama ri cammaraka.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.