YEHEZKIEL 21:27 - KITTA' MATANGKASA'

²⁷ Anne kotaya laKuancuru' taba sikali, sa'genna kemae-kemae nia' loro-loro. Mingka anjo passalaka nampami kajariang punna anjo tau Kupilea untu' anghukkungi anne kotaya battumi. Mae ri ia laKupassareang anne kotaya.’ ”

YEHEZKIEL 21:27 Referans Kwoze

MIKHA 5:2

Jari, laNalappassangi Batara nikoasai umma'Na ri musu-musunna ke'nanga, sa'genna baine le'baka nipattantu untu' a'jari anrong ri anjo tumakoasaya, nalassukammi anjo Anaka. Le'baki anjo, sikamma julu bansana niaka ri pammelakkanga lanipakase'rei ammotere' siagang bansana ke'nanga.

LUKAS 1:32

La'jari tu nipakala'biriki, siagang lanigallaraki Ana'Na Allata'ala Kaminang Tinggia. Lanipa'jari KaraengI ri Karaeng Allata'ala sangkamma Karaeng Daud boeNa.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

1 PETRUS 3:22

siagang lanri nai'Namo ri suruga. Kamma-kamma anne koasaI siagang Allata'ala siagang Naparentami sikontu malaekaka, sikontu tau anna'galaka koasa, kammayatompa sikontu kagassingang niaka lalang ri jama-jamang rohania.

YOHANES 1:9

Singara' sitojennaya, assingariai sikontu rupataua, nia'mi battu ri lino.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

MALEAKHI 3:1

Appiali Batara Kaminang Koasaya, “LaKukiringi battu tunisuroKu untu' ampasadiai oloangKu. NaKuti'ring lania' battu, iNakke Batara nuboyaya, mae ri BallakKu. Labattui anjo suroKu nukanakkukanga na napa'la'bang parjanjiangKu.”

ZAKHARIA 9:9

He pandudu'na Sion, rannu mako! He pandudu'na Yerusalem, makkio' rannuko! Ciniki! Battui Karaennu angngerang pammetang! Ia Karaeng adele' angngeranga kasalamakkang. Mingka tuna pa'maiki lalang kabattuanna A'dongko' keledai, sikayu keledai rungka.

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

DANIEL 9:25

Cataki siagang pahangi anne: Lallaloi pintuju tattuju taung, appakkaramula ri wattu nipasulu'na parentaya untu' ambangungi ammotere' Yerusalem, sa'genna battu sitau pamimping Napilea Allata'ala. Lalang pintuju ta'annampulo anrua taung, lanibangungi ammotere' agang-aganga siagang pa'balla'-ballakanna Yerusalem, mingka anjo wattua teai sipato' sukkara'na.

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

YEHEZKIEL 21:13

lanri Kuso'rina ummakKu, punna taeroka ke'nanga ampinrai gau'na, kabusu'na anjo lakajariangi mae ri ke'nanga.’

YOHANES 1:4

Iaminjo Kanaya nakabattui katallassanga, na iaminjo katallassanga assingari rupataua.

LUKAS 2:11

Anne kamma, ri kota kalassukanna Daud, lassu'mi Karaeng Mappasalama'nu iamintu Almasi.

LUKAS 1:69

Nasaremaki' tu Mappasalama' makoasaya, ikatte atanNa, sossoranna Daud.

MALEAKHI 4:2

Mingka ikau tau mannurukia ri Nakke, lammumbai koasangKu mappasalamaka rapang mataallo, nasioro'na angngerangi pappakamolle ri garring. Lata'lappasakko siagang larannuko rapang ana' sapi beru assuluka battu ri barana.

HAGAI 2:7

Sikontu bansaya laKupata'bangkai siagang pa'barang-baranganna ke'nanga lanierangi mae, sa'genna larassi BallakKu battu ri kakalumanynyangnganna ke'nanga.

YEHEZKIEL 34:23

LangngangkakKa' sitau karaeng sangkammaya atangKu Daud, untu' a'jari pakalawaki tenaya ruanna mae ri ke'nanga, siagang iami lamparakai ke'nanga.

YEREMIA 33:26

kammatommi anjo latuli Kuta'galaki parjanjiangKu siagang jari-jarina Yakub, siagang atangKu Daud. Nia' sitau battu ri jari-jarina Daud laKupile untu' ammarenta ri jari-jarina Abraham, Ishak, siagang Yakub. LamangngamaseangA' mae ri ummakKu, siagang Kupa'jari kalumanynyangi ammotere' ke'nanga.”

YEREMIA 30:21

Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”

PAMMILANGNGANG 24:19

Nia' battu ri Yakub lammumba sitau tumakoasa angngancurukai sikamma musu-musunna.”

YEREMIA 33:21

Kammatommi anjo le'ba' tommA' anynyikko' parjanjiang siagang atangKu Daud, angkanaya battu ri jari-jarina tuli lania' tassitau a'jari karaeng; siagang le'ba'Ma' anynyikko' parjanjiang siagang imang-imang jari-jarina Lewi angkanaya ia ke'nanga tuli lallayaniA'. Anjo parjanjiang-parjanjianga takkulleai nikaluppai.

YEHEZKIEL 34:24

INakke, Batara, la'jari Allata'alana ke'nanga, siagang anjo karaeng sangkammaya atangKu Daud la'jari pamarenta mae ri ke'nanga. INakke, Batara anne akkana.

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 52:4

lanri kammana anjo battumi Karaeng Nebukadnezar siagang sikontu tantarana nampa nabunduki Yerusalem ri tanggala' sampulo bulang sampulo ri taung makasalapang pamarentahanna Zedekia. Ambangungi ke'nanga pattahangngang ri pantaranna kotaya, ambangungi tembo' pakkurung,

YEHEZKIEL 4:2

Nampa gambaraki se're garisi' angkurungi anjo kotaya, iamintu garisi'-garisi' solongang, butta-butta pannambungi, kema-kema siagang pakkakasa' untu' panrumbang, ri tammulilina tembo'-tembo' kalli'na.