YEHEZKIEL 21:26 - KITTA' MATANGKASA'

²⁶ INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

YEHEZKIEL 21:26 Referans Kwoze

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

LUKAS 1:52

Napanaung ri empoanna sikontu tu nikaraengang napanai' ri tinggia, sikontua tu nihina.

YEHEZKIEL 16:12

Kusareiko cincing ka'muru, anting-anting siagang songko' ga'gaya.

PIRAUNG 5:16

Tenami kalompoanna ikambe cilakami ikambe napakamma doraka.

2 KARAENG-KARAENG 25:27

Ri tanggala' 27 bulang 12 lalang ri taung makatallumpulo antuju le'ba'na niengka' Yoyakhin mange ri pammelakkanga, Ewil-Merodakh a'jari karaeng ri Babel. Ia memang anjo taunga namangngamaseang mae ri Yoyakhin na nalappassang battu ri tarungkua,

2 KARAENG-KARAENG 25:6

Nampa nierang Karaeng Zedekia mange ri Karaeng Nebukadnezar ri kota Ribla, nampa nitappu' hukkungang mate.

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.

PANGNGEBARANG 27:24

lanri kakalumanynyangnganga poro sinampe'ji, ba'lalo koasa untu' ammarenta tena natuli satunggu-tungguna.

HAKING-HAKING 17:5

Nakalenna untu' Mikha nia'mo se're tampa' panynyombanna. Appare'mi siapa are patung barhala siagang silawara' kaeng pannongko' barambang bajunna Imang lompoa. Nampa naangka' sitau ana'na a'jari Imang.

YESAYA 47:12

Na'na' mako bawang siagang sikontu baca-bacanu na pangngissengannu, ambattalliako appakkaramula ri ca'dinu. Inai angngassengi, gassingka nia' matu-matunna mae ri kalennu, untu' ampakamalla'-mallaki sikamma musunnu.