YEHEZKIEL 21:21 - KITTA' MATANGKASA'

²¹ Karaeng Babel ammenteng ri ampi'na anjo papang pammateia. Untu' naassengi angkanaya oloang kereanga lanalaloi, lappalaki pangngunju' battu ri barhala-barhalana, nagoccangi panaya nampa naparessa atenna olo'-olo' beru le'baka nakoro'bangkang.

YEHEZKIEL 21:21 Referans Kwoze

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

HAKING-HAKING 18:20

Sannangi nyawana anjo turungka tu Lewia allangngereki pattujunna ke'nanga. Jari, naallemi anjo efodka siagang patung-patung barhala maraenganga nampa amminawang ri ke'nanga.

HAKING-HAKING 17:5

Nakalenna untu' Mikha nia'mo se're tampa' panynyombanna. Appare'mi siapa are patung barhala siagang silawara' kaeng pannongko' barambang bajunna Imang lompoa. Nampa naangka' sitau ana'na a'jari Imang.

PA'JARIANG 31:30

Kuassengi angkanaya a'lampako lanri ero' duduko ammotere'. Mingka angngapa nulukkaki patung pajaga kaluargaku?”

PA'JARIANG 31:19

Anjo wattua niaki Laban ri paranga sitabang anggoncingi bulu gimbala'na, na anjo wattua nalukka'mi Rahel patung pajaga kaluargana manggena.

LAMPA-LAMPANA 16:16

Ri se'reang allo a'lampa maki' mange ri tampa' passambayanganga. Ri tangngana aganga assibuntulu' maki' sitau baine ata. Anjo bainea nisosoki ri setang, sa'genna akkullei natappu la'bi riolo apa lakajarianga sallang. Lanri akkullena natappu dalle'na taua, jai sikalimi doe' napanggappangi pingga'-pinggawana anjo bainea.

ZAKHARIA 10:2

Appalaki pangngunju' sikamma taua mae ri barhala-barhalaya siagang ri sikamma pacinika, mingka sikamma anjo pangngunju' nagappaya ke'nanga sangnging balle-balle siagang bicara kosonji bawang. Nia' ambattuangngi so'naya, mingka anjo battuang napakasingaraka ke'nanga poro lanapakalingu ngaseng jako; siagang anjo panynyaleori napassareanga tena battuanna. Lanri kammana anjo natassimbung-simbung ra'yaka sanrapang gimbalaka. Tenamo nasilolongang ke'nanga lanri tena pamimpinna.

HOSEA 4:12

Appalakko pangngunju' battu ri sipolonga kayu! Se'reang takkang ampauangko apa eroka nuasseng! Rapangko sitau baine niaka bura'nenna na'jari pasundala'; nubokoiA' nampa nupassareang kalennu mae ri rewata-rewata maraenga.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

PANGNGEBARANG 21:1

Sanrapang batena Naatoro' Batara je'ne' binangaya sollanna a'lo'loro' situru' ero'Na, kammatommi anjo napimpingi pikkiranna karaenga.

PANGNGEBARANG 16:10

Karaenga annarimai koasa battu ri Allata'ala, jari, tena nasala lalang kaputusanna.

2 KARAENG-KARAENG 23:24

Sollanna nakkulle nigaukang hukkung-hukkung niaka tattulisi' lalang ri anjo kitta' nagappaya Imang Lompo Hilkia lalang ri Balla'Na Batara, nabongka kabusu'mi Karaeng Yosia sikamma pakio' rohna tumatea siagang pacinika battu ri Yerusalem siagang battu ri sikontu Yehuda, nampa napela' kabusu' rewata ruma tanggaya, barhalaya, siagang barang-barang nipakea untu' anynyomba ri rewata-rewataya.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”

HAKING-HAKING 18:24

Appialimi Mikha angkana, “Nulariangi patung-patungku siagang imanna, sa'genna tenamo apa-apangku, nampa nukana ‘Apa kutadeng?’ ”

HAKING-HAKING 18:18

Ri wattuna antama anjo tau limaya ri balla'na Mikha na naalle anjo Efod siagang patung-patung berhalaya, akkuta'nammi anjo turungka tu Lewia angkana, “Apa ngaseng anne nugaukang?”

HAKING-HAKING 18:14

Anjo limaya mata-mata le'baka nikiring riolo angkanami mae ri agang-aganna, “Nuassengi angkanaya ri kalase'renna anne ballaka nia' patung nilapisi' pera'? Nia' todong patung-patung maraeng siagang Efod. Pikkiri' sai, apa musti nigaukang.”

PAOLE 18:10

Teako passareangngi ana'-ana'nu a'jari koro'bang nitunu. Teako manna sitau battu ri kau a'jari paboto, a'boyaya pammatei-pammatei, ammakea jampi-jampi yareka

PAMMILANGNGANG 23:28

Jari naerammi Bileam mange ri coppo'na Moncong Peor assidallekanga siagang parang lompoa.

PAMMILANGNGANG 23:23

Tena pangngissengang akkulle andallekangi Yakub tena baca-baca makoasa mae ri tu Israel. Ri passala'na anjo bansaya nakana taua, ‘Ciniki gau' malompo Nagaukanga Allata'ala!’

PAMMILANGNGANG 22:7

Jari a'lampami sikamma pamimpinna tu Moab siagang tu Midian angngerang passare untu' lanapassareang mae ri Bileam, sollanna ero' antunrai tu Israel. Battuna ke'nanga mange ri Bileam, napabattumi ke'nanga mae ri ia anjo pasanna Karaeng Balak.

MATIUS 22:9

Kamma-kamma anne a'lampamako mange ri agang-agang lompoa nanukio' ngaseng tau jaia battu mae assua'-suara'.’

HAKING-HAKING 18:17

Tulusu'mi antama ri balla' anjo limaya mata-mata, nampa naalle anjo patung nilapisika pera' siagang patung-patung maraenganga, kammayatompa Efodka. Anjo turungka tu Lewia niaki ammenteng siagang anjo 600 tantara ri dallekanna pakke'bu' lompoa.