YEHEZKIEL 21:15 - KITTA' MATANGKASA'

¹⁵ Napa'jari bansaKu tappela' kabaranianna siagang tu'guru' tatto'ro. Kuancangi kotana ke'nanga siagang anjo pa'danga, accillaka sangkamma kila', siagang sadiaya untu' ammuno.

YEHEZKIEL 21:15 Referans Kwoze

YEHEZKIEL 21:10

Nipakatarangi sollanna akkulle ammuno, nilaccuki sollanna akkulle accilla'-cilla'. Mae ri ummakKu tenamo karannuang lanri sikontu pappakainga' siagang hukkungang nabalang parekangi ke'nanga.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEHEZKIEL 21:28

“He tau, a'boto mako! Pauangi tu Amon le'baka anghinai tu Israel, angkanaya iNakke, Batara Kaminang Tinggia, akkana, ‘Se're pa'dang sadiami untu' ammuno; anjo pa'danga le'ba'mi nikantisi' sa'genna accilla' sangkamma kila', sollanna sadia untu' ammuno.

YEHEZKIEL 21:22

A'nyatami angkanaya anjo pana naallea lima kananna nia' pammatei mae ri Yerusalem! Anjo battuanna angkana karaenga musti nabunduki kota Yerusalem, akkioki untu' a'bundu' na nasuro tantarana ansusungi pakkakasa' untu' nipake anrumbang, napatabai ri sikamma pakke'bu' lompona Yerusalem, attambung butta a'jari tembo' untu' angkurungi Yerusalem, siagang angngeke kaloro'-kaloro'.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

YEHEZKIEL 20:47

Suroi anjo romanga ampilangngeri apa Kupaua, iNakke, Batara Kaminang Tinggia, mae ri ia, ‘Pilangngeri! LapparinrA' pepe' akkullea antunui sa'genna cappu' sikamma poko' kayu niaka ri kau, baji' nakalotoroka kammayatompa mataya. Anjo pepe' a'rinra-rinraya tena nakkulle nibuno. La'le'lereki battu timboro' a'lampa wara', na sikontu taua lanapisa'ringi bambanna.

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

PAMMUJI 22:14

Tassungkei bawana ke'nanga andallekanga', sanrapang singa ammarrunga sa'ranna ero' angngokko'.

2 SAMUEL 17:10

Jari manna pole tau kaminang barania siagang kaminang porea rapang singa la'jari malla' kabusu'mi. Nasaba' sikontu tu Israel naassengi angkanaya anjo manggeta sitau pahlawang, siagang anjo ana' buana sangnging pajuang gammara' na barani.

YOSUA 2:11

Nalangngere'na ikambe anjo carita-carita kammaya, a'jari malla' sikalimi ikambe. Sikontu taua tappela' ngasemmi kabaranianna lanri ikau ngaseng. Karaeng Allata'alanu ma'nassa Ia tojeng Allata'ala Kaminang Makoasaya ri langika siagang ri buttaya.

YESAYA 59:10

Angngosalaki ikambe rapang tau buta; tangnga allo natatto'ro ikambe sangkamma ri lantanna bangngia; rapangi tau mate ikambe ri tangnga-tangngana tau attallasaka.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 18:15

Mingka ummakKu takkaluppami ri Nakke, nampa attunu dupa untu' barhalaya. Tatto'roi ke'nanga ri oloang mustia naolo ke'nanga riolo dudu, nampa ammengka ri oloang tenayapa nanilappari.

YEHEZKIEL 21:16

He pa'dang taranga, anne'ba' mako mae ri kanang siagang mae ri kairi, siagang kemae-kemae nukaerokia.

YEHEZKIEL 21:19

“He tau, a'gambarakko rua oloang akkullea naolo karaeng Babel angngerangi pa'danna. Anjo ruaya oloang musti appakkaramulai cappa'na ri se're pa'rasangang; oloang se'rea a'lampa mangei ri Raba, kota Amon; anjo se'reanga pole a'lampa mangei ri Yerusalem, kota niaka pattahanganna ri Yehuda. Patabai papang pammatei oloang ri tampa'na appakkaramula appengka anjo oloanga.