YEHEZKIEL 20:43 - KITTA' MATANGKASA'

⁴³ Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

YEHEZKIEL 20:43 Referans Kwoze

HOSEA 5:15

LaKubokoi ummakKu sa'genna sukku'mo pa'risi'na ke'nanga lanri dosa-dosana, nampa battu ke'nanga amboyA'. Nakulle kapang lalang ri kapa'risanna ke'nanga nalappattujuammo amboyA'.”

YEHEZKIEL 6:9

anjorengi ke'nanga lattallasa' ri pa'rasangang pammelakkanga. Nampa lamangngu'rangi ke'nanga mae ri Nakke, kammayatompa lanapahangi angkanaya iNakke anghukkungi siagang ampakatunai ke'nanga, lanri tenana namajarre' pa'mai'na ke'nanga mae ri Nakke. Le'ba'Ma' nabokoi ke'nanga nampa napilei barhalaya salaku sambengKu. Nampa lalanre kalenna ke'nanga mae ri kalenna lanri anjo sikontu kaja'dallang siagang kakodiang le'baka nagaukang ke'nanga.

YEHEZKIEL 36:31

Lanuu'rangi panggaukang ja'dala'nu siagang anjo tindakannu tenaya nasiratang, nampa a'jari lanre mako mae ri batangkalennu lanri dosa-dosanu siagang anjo kapallakkannu.

YEREMIA 31:18

Kulangngereki umma' Israel a'bicara lalang kapacceang, angkana, ‘O Batara, ikambe rapammi olo'-olo' tenayapa nipa'jari annabai mingka Kilati ummatTa untu' mannuruki, na kamma-kamma anne sadiami ikambe untu' ammotere' mae ri Katte. Jari, erammi ikambe ammotere', o Batara, Allata'alana ikambe.

2 KORINTUS 7:11

Alle sai cini' wassele'na si'na situruka ero'Na ri Allata'ala! Iamintu attojeng-tojengko ampakabajiki apa kodia! A'jari numusui dosaya, a'jari mallakko, a'jari nakkukko, a'jari lompoi sumanga'nu, kammayatompa rellako anghukkungi tau salaya! Ilalang yangasenna anjo nupa'buttimi ri kalennu angkanaya tena nanusala mae ri anjo passalaka.

LUKAS 18:13

Mingka anjo pasingara' simaya bellai ammenteng siagang tena nabarani acconga nai' ri langika. Napurusu'mi barambanna na nakana, ‘O, Allata'ala, Kikamaseanga', anne inakke tau dorakaya!’ ”

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.