YEHEZKIEL 20:38 - KITTA' MATANGKASA'

³⁸ Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

YEHEZKIEL 20:38 Referans Kwoze

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

MALEAKHI 3:3

Battu untu' angngadeli, sanrapang tau antangkasiai siagang ampakati'noki peraka. Sanrapangi pade'de' bulaeng ti'no' siagang pade'de' pera' ti'no', kamma tomminjo tunisuroNa Batara laNatangkasi sikamma imanga sollanna akkulle Napassareang koro'bang-koro'banga situru' cara Nakaerokia Batara.

YEHEZKIEL 6:7

Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

YEREMIA 44:14

Battu ri tu Yehuda tassesaya, ia a'lampayamo mange ri Mesir untu' ammantang anjoreng, tena manna sitau lata'lappasa' yareka attallasa'. Tena manna sitau battu ri ke'nanga lakkulle ammotere' mange ri Yehuda, manna pole nasanna' ero'na ke'nanga. Tojeng, tena manna sitau lakkulle ammotere' pantaranganna siapa are tau a'lilia untu' annompang.”

YEHEZKIEL 23:49

He Ohola siagang Oholiba, laKuhukkungko lanri a'gau' bawangko siagang anynyombako ri barhala. Nampa nuassemmo angkanaya iNakke Batara Kaminang Tinggia.”

YEHEZKIEL 15:7

LaKuhukkungi ke'nanga. Manna pole ta'lappasa'mi ke'nanga battu ri pepeka, mingka ia tonji anjo pepeka lampanraki ke'nanga. Na Naassemmo ke'nanga angkanaya iNakke Batara.

YEHEZKIEL 11:21

Mingka sikamma tau nangaia anynyomba ri barhala-barhala kodia siagang appakaringi'-ringika laKuhukkungi lanri anjo panggaukang ja'dala'na ke'nanga.” Kammami anjo kananNa Batara Kaminang Tinggia.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

IBRANI 4:6

Jari anjo ke'nanga uru-uru allangngerekai anjo Kabara' Bajika, talanagappayai tampa' pammari-marianga, lanri tenana natappa' ke'nanga. Jari punna kamma, ma'nassami angkanaya nia' tau maraeng akkulle anggappai anjo tampa' pammari-marianga.

IBRANI 4:3

Mingka ikatte tau tappaka, lanigappai anjo tampa' pammari-mariang Napa'janjianga Allata'ala. Anne sicoco'mi siagang apa le'baka Napau Allata'ala, angkanaya, “LarroA' siagang assumpA', angkana talantamayai ke'nanga ri tampa' pammari-mariangKu sipammari-mariang siagang iNakke!” Akkana kammami anjo Allata'ala manna pole riolo iji naNapa'le'ba'mo jama-jamanNa, iamintu ri wattunna Napa'jari anne linoa.

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

YEHEZKIEL 20:16

Kuancang kammai anjo ke'nanga lanri nabalang parekangi ke'nanga parenta-parentaKu, nadakkai hukkung-hukkungKu siagang nara'massi allo Pammari-marianga. Nangaiangngangi ke'nanga anynyombaya ri barhala-barhalana ke'nanga.

YEREMIA 29:32

siagang lanri nasuro mako ambaliangA', jari laKuhukkungi siagang jari-jarina. Tena manna sitau battu ri ke'nanga lammantang ri tangnga-tangngana ikambe untu' anciniki apa-apa baji' Kugaukanga mae ri sikontu ummakKu. INakke, Batara, anne akkana.”