YEHEZKIEL 20:37 - KITTA' MATANGKASA'

³⁷ LaKuterassiko sollanna nuturuki parjanjiangKu.

YEHEZKIEL 20:37 Referans Kwoze

YEREMIA 33:13

Ri kota-kota ri daera monconga, ri bangkeng buluka, daera Yehuda bageang timboro', siagang ri daerana Benyamin, ri desa-desa niaka ri tammulilina Yerusalem, kammayatompa ri kota-kota Yehuda, lanabilangi ammotere' gimbala'na sikamma pakalawakia. INakke, Batara, anne akkana.”

KAIMANGNGANG 27:32

Tasse're battu ri sampuloa kayunna olo'-olo' iamintu Batara pata. Punna nirekengi anjo olo'-olo' piaraya, tunggala' tassikayu, iamintu makasampuloa battu ri anjo olo'-oloka, Batara pata.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

YEHEZKIEL 34:17

Pilangngeri, he sikamma gimbalakKu! INakke, Batara Kaminang Tinggia Kukana ri kau angkanaya massing laKuadeliko siagang Kusa'laki bajika battu ri ja'dalaka, sikamma gimbalaka battu ri sikamma bembea.

YEHEZKIEL 16:62

LapparekKa' parjanjiang beru siagang ikau. Na nuassemmo angkanaya iNakke Batara.

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.