YEHEZKIEL 20:36 - KITTA' MATANGKASA'

³⁶ sangkamma le'baka Kugaukang mae ri boe-boenu ri parang lompona Sinai. INakke, Batara Kaminang Tinggia, anne akkana.

YEHEZKIEL 20:36 Referans Kwoze

YEHEZKIEL 20:21

Mingka anjo tau rungka-rungkaya tena todong namappilangngeri ri Nakke. Nadakkai ke'nanga hukkung-hukkungKu siagang nabalang parekangi parenta-parentaKu, ampattantuai angkana inai-nai tau anturuki latuli attallasaki. Nara'massi ke'nanga allo Pammari-marianga. Lanri kammana anjo sadiaMa' ero' ampabattui pangngalarroingKu mae ri ke'nanga anjoreng ri parang kassika siagang ambunoi ke'nanga.

YEHEZKIEL 20:13

Mingka anjoreng ri parang kassika angngewa tongi ke'nanga mae ri Nakke. Nadakkai ke'nanga parenta-parentaKu, siagang natollaki hukkung-hukkung ampattantuai angkanaya inai anturuki latuli attallasaki. Sanna' nara'massinna ke'nanga allo Pammari-marianga. Lanri kammana anjo, anjoreng ri parang kassika sadiaMa' ero' a'jallo' lanri larroKu mae ri ke'nanga siagang ampanraki ke'nanga.

PAOLE 32:10

Narapikangi ke'nanga sitabang alla'bang, ri tampa' sinoa ri parang lompoa. Iami ke'nanga rapang pa'mai'Na, Nala'langia siagang Naparakaia.

YESAYA 3:14

Langngallei tindakang Batara salaku Haking mae ri sikamma pamimpinna umma'Na. Naia tuduhanNa Batara mae ri ke'nanga, iamintu: “Ikau ngasemmi angngellaki sikamma wassele' koko anggoroka; balla'nu rassi siagang barang nurampasaka battu ri tau kasi-asia.

YEREMIA 2:9

Nakana Batara, “Kamma-kamma anne Kukara-karai pole ummakKu, naKuadeli jari-jarina.

YEREMIA 25:31

Sa'genna cappa'na buttaya kalangngerang sa'ranNa; appareki parkara Batara mae ri bansa-bansaya. Sikontu taua laniadeli siagang tau ja'dalaka lanihukkung matei.’ ”

YEHEZKIEL 17:20

LammuangA' jala untu' anjakkalaki. LaKuerangi mange ri Babel nampa Kuhukkung anjoreng, lanri tena namajarre' mae ri Nakke.

YEHEZKIEL 20:35

Nampa laKuerangko mange ri ‘Parang Lompo Bansa-bansa’. Anjorengko laKuadeli ri dallekangKu,

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

YEHEZKIEL 34:17

Pilangngeri, he sikamma gimbalakKu! INakke, Batara Kaminang Tinggia Kukana ri kau angkanaya massing laKuadeliko siagang Kusa'laki bajika battu ri ja'dalaka, sikamma gimbalaka battu ri sikamma bembea.