YEHEZKIEL 20:29 - KITTA' MATANGKASA'

²⁹ Akkuta'nanga' ri ke'nanga angkana, ‘Tampa'-tampa' tinggi apa anjo nukunjungi?’ Jari appakkaramula anjo wattua naniaremmo anjo sikamma tampaka, ‘Tampa'-tampa' tinggi’.

YEHEZKIEL 20:29 Referans Kwoze

YEHEZKIEL 16:31

Ri tana lapanna kotaya siagang ri biring-biring aganga appaentengko tampa'-tampa' untu' anynyomba barhala siagang assundala'. Mingka ikau tena nusangkamma pasundala' samaraka parallua ri doe'.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 20:30

Jari pabattui mae ri tu Israel apa anne Kupaua, iNakke, Batara Kaminang Tinggia, mae ri ke'nanga. ‘Angngapa nanugaukang dosa-dosa kammaya le'baka nagaukang boe-boenu? Sangkamma ke'nanga, nupinawang tongi anjo barhala-barhala appakaringika.