YEHEZKIEL 20:26 - KITTA' MATANGKASA'

²⁶ Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:26 Referans Kwoze

YEHEZKIEL 6:7

Kemae-kemae nia' tau nibuno, na sikamma tau salamaka lanaassemmi angkanaya iNakke Batara.

KAIMANGNGANG 18:21

Teako passareangngi kalase'renna ana'nu untu' nikoro'bangkang lalang ri panynyombanga mae ri Rewata Molokh, lanri anjo panggaukang kammaya nahinai arenNa Allata'ala, Bataranu.

YEHEZKIEL 20:31

Ba'lalo sa'genna anne alloa nura'massi kalennu lanri angngerannu passare siagang nutunui ana'-ana'nu salaku koro'bang mae ri barhala-barhalaya. Nampa barani ijako appala' pangngunju' battu ri Nakke? Lanri iNakke, Allata'ala mattallasaka, Batara Kaminang Tinggia, tena nalaKupa'biangko appala' pangngunju' battu ri Nakke.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

2 KARAENG-KARAENG 17:17

Napassareangi ana'na ke'nanga a'jari koro'bang nitunu mae ri rewataya. Ammakei ke'nanga pangngissengang siagang appalaki pangngunju' battu ri sanro-sanroa ia akkullea sipa'bicara siagang roh-roh tenaya naniciniki. Teai sipato' batena anggaukang ngasengi anjo apa-apa tenaya Nangai Batara,

LUKAS 2:23

Nasaba' nia' tattulisi' lalang ri Hukkung Napassareanga Batara angkanaya, “Sikontu ana' bura'ne bungasaka musti nipassareangi mae ri Batara.”

YEREMIA 32:35

Ambangungi ke'nanga tampa'-tampa' pakkoro'bangngang untu' Rewata Baal ri Ka'bung Lappara' Hinom, nampa napassareang ana'-ana'na ke'nanga a'jari koro'bang mae ri Rewata Molokh. Padahala', tale'bakai Kusuro ke'nanga anggaukangi anjo kammaya, ba'lalo tale'bakai ammumba lalang ri pikkirangKu angkanaya lanagaukangi ke'nanga anjo panggaukang appakaringi'-ringi' kammaya siagang napa'jari dorakai tu Yehuda.”

YEREMIA 19:9

Lanikurungi ri musu anne kotaya, siagang nausahakangi nabuno pandudu'na. Teai sipato' heba'na batena musua angkurungi, sa'genna sikamma tau niaka lalang ri anne kotaya lasikanre-kanrei para ia sipa'gangngang, ba'lalo ana' kalenna nakanre ngaseng.”

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 KARAENG-KARAENG 21:6

Ana' kalenna napassareang a'jari koro'bang nitunu. Nagaukang tongi Manasye gau'-gau' sanroa, a'jari paciniki, ammakei pangngissengang, siagang appalaki pangngunju' mae ri roh-roh tanicinika. Sanna' dorakana mae ri Batara sa'genna napanai'mo larroNa Batara.

KALAPPASSANG 13:12

musti nupassareangi sikamma ana' bura'ne bungasa'nu siagang sikamma olo'-olo' piara lakia ia bungasa' lassuka. Yangasenna anjo Batara pata,

KAIMANGNGANG 20:2

ampabattui anne passalaka mae ri bansa Israel angkanaya, “Inai-nai ri kau yareka bansa maraeng niaka ammantang tuli ri alla'nu angkoro'bangkangi ana'na mae ri Rewata Molokh, musti nisambilai batu ri tau jaia sa'genna mate.

YEREMIA 7:31

Se're tampa' pakkoro'bangngang niarenga Tofet le'ba'mi nabangung ke'nanga ri Ka'bung Lappara' Hinom untu' napake ampassareangi ana'-ana'na ke'nanga a'jari koro'bang nitunu. Padahala' iNakke tena le'bakai Kusuro anggaukangi anjo kammaya, ba'lalo tena le'bakai ammumba anjo pikkirang kammaya lalang ri pikkirangKu.

YEREMIA 19:4

Kugaukangi anjo passalaka lanri anne bansaya nabokoiMa'. Narantassi anne tampaka lanri assarena koro'bang mae ri rewata-rewata tenaya naassengi ke'nanga, tenaya naassengi boe-boena ke'nanga siagang sikamma karaenna tu Yehuda. Nabonei tommi ke'nanga anne tampaka cera'na tau tenaya nasala.

YEHEZKIEL 20:12

Kusuroi ke'nanga ampakalompoi allo Pammari-marianga salaku pammatei parjanjiangKu siagang ke'nanga, untu' ampiu'rangiangi ke'nanga angkana iNakke Batara, le'baka ansa'laki ke'nanga a'jari ummakKu.

YEHEZKIEL 20:20

Pakalompoi allo Pammari-marianga sollanna a'jari pammatei mae ri kau siagang iNakke, untu' ampiu'rangiangko angkanaya iNakkemi Karaeng Allata'alanu.’

YEHEZKIEL 20:30

Jari pabattui mae ri tu Israel apa anne Kupaua, iNakke, Batara Kaminang Tinggia, mae ri ke'nanga. ‘Angngapa nanugaukang dosa-dosa kammaya le'baka nagaukang boe-boenu? Sangkamma ke'nanga, nupinawang tongi anjo barhala-barhala appakaringika.

YEHEZKIEL 23:37

Nagaukangi ke'nanga a'gau' bawanga siagang ammunoa; a'gau' bawangi ke'nanga siagang barhala-barhalaya siagang nabunoi ana'-anakKu nalassukanga ke'nanga. Anjo ana'-anaka le'baki napassareang mae ri barhala-barhalana ke'nanga.

2 KARAENG-KARAENG 16:3

Sangkamma tongi karaeng-karaeng Israel batena appanggaukang ri tallasa'na, ba'lalo napassareangi ana' bura'ne kalenna a'jari koro'bang mae ri rewataya, situru' kabiasang ja'dala'na sikamma tau nibongkaya ri Batara battu ri butta Kanaan ri wattunna napantamakki tu Israel anjo pa'rasanganga.