YEHEZKIEL 20:15 - KITTA' MATANGKASA'

¹⁵ Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

YEHEZKIEL 20:15 Referans Kwoze

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

PAMMUJI 106:26

Jari assumpami Na'janji angkana laNabunoi ke'nanga ri parang lompoa.

IBRANI 4:3

Mingka ikatte tau tappaka, lanigappai anjo tampa' pammari-mariang Napa'janjianga Allata'ala. Anne sicoco'mi siagang apa le'baka Napau Allata'ala, angkanaya, “LarroA' siagang assumpA', angkana talantamayai ke'nanga ri tampa' pammari-mariangKu sipammari-mariang siagang iNakke!” Akkana kammami anjo Allata'ala manna pole riolo iji naNapa'le'ba'mo jama-jamanNa, iamintu ri wattunna Napa'jari anne linoa.

IBRANI 3:18

Ri wattunna assumpa Allata'ala Nakana, “Talantamayai ke'nanga ri tampa' pammari-mariangKu, sipammari-mariang siagang iNakke,” maka inai nataba anjo kananNa Allata'ala? Sai iami anjo tau ambaliai Allata'ala nataba?

IBRANI 3:11

LarroMa' siagang assumpaMa' Kukana, ‘Talantamakkai ke'nanga ri anjo pa'rasanganga untu' sipammari-mariang siagang iNakke!’ ”

YEHEZKIEL 20:23

Anjoreng tommA' ri parang kassika assumpa angkanaya laKupasisa'la'-sa'laki ke'nanga mange ri sikontu linoa,

YEHEZKIEL 20:14

Mingka tena naKugaukangi anjo lanri areng bajikKu, sollanna tena nihinai arengKu ri bansa-bansa ancinikiA' angngerangi bansa Israel assulu' battu ri Mesir.

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

YEHEZKIEL 20:42

Punna Kuerangko ammotere' mange ri butta Israel, butta Kupa'janjianga mae ri boe-boenu, nuassemmi angkanaya iNakke Batara.

YEHEZKIEL 44:12

Mingka lanri nagaukannamo ke'nanga upacara anynyombaya ri barhala untu' bansa Israel, siagang naeranna anjo bansa Israel mange ri dosaya, jari iNakke, Batara Kaminang Tinggia, assumpaMa' angkanaya musti Kuhukkungi ke'nanga.

YEHEZKIEL 20:6

Anjo wattua assumpA' angkana laKuerangi ke'nanga assulu' battu ri Mesir mange ri pa'rasangang Kupilea untu' ke'nanga. Anjo pa'rasanganga kalumanynyangi siagang coppongi, butta kaminang bajika ri sikontu linoa.