YEHEZKIEL 19:14 - KITTA' MATANGKASA'

¹⁴ Batanna anjo anggoroka nilepaki ri pepe' a'le'lere'; tangkenna siagang rapponna la'busu' nikanre ri pepe'. Tangkenna tenamo nattahang kamma-kamma anne; takkulleami nipare' takkang karaeng. Iaminjo karru' a'mole-molea nikelongang ri ummaka.

YEHEZKIEL 19:14 Referans Kwoze

YEHEZKIEL 19:11

Kassa' tangkenna, tagampangai nitepo' siratangi nipare' takkang karaeng. Coppo'na tinggi nai' narapiki rammanga. Nikangngalikangi ri sikontu taua lanri tinggina siagang copponna leko'na.

YEHEZKIEL 19:1

Nasuroa' Allata'ala angkelongangi anne kelong-kelong karruka mae ri ruaya karaeng Israel:

2 KARAENG-KARAENG 24:20

Teai sipato' larroNa Batara mae ri pandudu'na Yerusalem siagang ri tu Yehuda, sa'genna tenamo Naparhatikangi ke'nanga.

YOHANES 19:15

Ammarrang-marrammi ke'nanga, angkana, “Bunoi! Bunoi! Allei Salli'!” Akkuta'nammi Pilatus nakana, “Maka musti inakke ansalliki karaennu?” Appialimi imang-imang kapalaya angkana, “Tena ruanna karaeng pantaranganna Karaenna ikambe!”

LUKAS 19:41

Ri wattunna pila' a'reppese' Isa ri Yerusalem, naNacini'mo anjo kotaya, angngarru'mi.

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

HOSEA 10:3

Tasalloami nanakana ke'nanga, “Tena karaenta nasaba' tena nakimalla' mae ri Batara. Apa matu-matunna se'rea karaeng mae ri katte?”

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

YEHEZKIEL 20:47

Suroi anjo romanga ampilangngeri apa Kupaua, iNakke, Batara Kaminang Tinggia, mae ri ia, ‘Pilangngeri! LapparinrA' pepe' akkullea antunui sa'genna cappu' sikamma poko' kayu niaka ri kau, baji' nakalotoroka kammayatompa mataya. Anjo pepe' a'rinra-rinraya tena nakkulle nibuno. La'le'lereki battu timboro' a'lampa wara', na sikontu taua lanapisa'ringi bambanna.

YEHEZKIEL 15:4

Tena matu-matunna pantaranganna nipa'jaria kayu tunuang. Siagang punna cappu' pimbalimo cappa'na nakanre pepe', siagang bageang tangngana a'jari cumi' tommi, maka nia' ija matu-matunna?

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

YEREMIA 52:3

Teai sipato' larroNa Batara mae ri pandudu'na Yerusalem siagang tu Yehuda, sa'genna Nabongka ke'nanga siagang tenamo Nala'langngi pole ke'nanga. Angngewai Zedekia mae ri Nebukadnezar karaeng Babel;

YEREMIA 38:23

Kukana pole, “Sikontu ana'na siagang bainenna karaenga lanierangi mange ri tu Babel. Manna kalenna karaenga tena todong nalakkulle ta'lappasa' battu ri ke'nanga. Lanijakkalaki karaenga ri karaeng Babel, siagang anne kotaya lanitunui sa'genna la'busu'.”

PAMMUJI 79:7

Saba' le'ba'mi naballassi ummatTa, naancuru' tampa' pammantanganna ke'nanga.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

2 PATTOTTORANG 36:13

Le'ba'mi nipassa Zedekia ri Karaeng Nebukadnezar untu' assumpa lalang arenNa Allata'ala angkanaya talaminrayai pa'mai'na mae ri Nebukadnezar. Mingka ribokoanganna angngewai Zedekia mae ri Nebukadnezar. Kapala batui Zedekia mae ri Batara, Allata'alana Israel. Taerokai ambokoi dosa-dosana siagang taerokai ammotere' mae ri Batara.

HAKING-HAKING 9:15

Appialimi anjo rompo' akkatintinga, ‘Punna attojeng-tojeng ngasengko ero' ampa'jaria karaennu, maeko a'la'lang irawangangku. Punna tena nuero' lassuluki pepeka battu ri anne tangke-tangke akkatintingku na natunu ngaseng sa'genna la'busu' sikontu poko'-poko' arasa' niaka ri Libanon.’ ”

PA'JARIANG 49:10

Yehuda lanna'gala' takkang kakaraengang. Turunganna lammarenta satunggu-tungguna. Bansa-bansaya langngerangi passare, nasu'ju' tundu' ri dallekanna.

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

YEHEZKIEL 17:10

Memang, attimbo kassa'mi, mingka maka akkulle attallasa' tulusu' siagang a'bakka'? Maka tena nalakalumeng niiri' ri anging battu raya? Maka tena nala'jari kalotoro' ri tampa'na nilamung?”

YEHEZKIEL 20:48

Lanaassemmi ke'nanga angkanaya iNakke, Batara, amparinrai anjo pepeka, siagang tena manna sitau akkulle ambunoi.’ ”

YEHEZKIEL 26:17

Nampa lakkelong ke'nanga ampakkelongangko lagu pattarawang angkana: Ancuru'mi kota nipakalompoa! Sikontu kappala'na nibarrasa' battu ri tamparang. Riolo pandudu'na koasai ri tamparang na'jari malla' sikamma tau ammantanga ri biring tamparang.