YEHEZKIEL 18:5 - KITTA' MATANGKASA'

⁵ Ebara' angkana nia' tau baji', adeleki siagang lambusuki.

YEHEZKIEL 18:5 Referans Kwoze

YEHEZKIEL 33:14

Nakulle kapang le'ba'mi Kupakainga' tau ja'dalaka angkanaya lamatei ke'nanga. Mingka punna ammari a'gau' dosa, siagang appakkaramulami nagaukang apa bajika siagang annabaya, ebara'na napoterangngangi apa napappita'gallanga taua yareka barang le'baka nalukka', kammayatompa naturuki hukkung-hukkung angngeranga mae ri katallassang, anjo taua tena nalamate.

1 YOHANES 3:7

Sikamma ana'-anakku, teako passareangi kalennu nipasala oloang ri tau maraenga. Inai-nai anggaukangi ero'Na Allata'ala, iami ana'Na Allata'ala sangkamma todong Almasi Ana'Na Allata'ala.

1 YOHANES 2:29

Nuassemmi angkanaya mappilangngeri Almasi mae ri ero'Na Allata'ala lalang ri katallassanNa. Lanri kammana, musti nuasseng tongi angkanaya inai-nai mappilangngeri mae ri ero'Na Allata'ala lalang ri katallassanna, iami ana'Na Allata'ala.

1 YOHANES 2:3

Punna mappilangngeriki' mae ri sikamma parentaNa Allata'ala, iaminjo a'jari pammatei angkanaya niassemmi Allata'ala.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

PA'JARIANG 18:19

Ia le'ba'mi Kupile sollanna naparentakang mae ri sikamma ana'-ana'na siagang turunganna untu' amminawang turu' ri Nakke kammayatompa nagaukang panggaukang bajika siagang adeleka. Punna nagaukangi ke'nanga anjo passalaka, sikontu janjingKu mae ri Abraham laKurupai ngasengi.”

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

YEREMIA 22:15

Pilangngeri, he Karaeng Yoyakim! Punna nubangung balla' karaeng battu ri kayu Libanon kaminang bajika, maka nukana anjo a'jari butti angkanaya ikau karaeng kaminang baji' battu ri sikamma karaeng maraenga? Coba sai u'rangi manggenu: Nakasiaki tallasa' mate'nea siagang angngerangi wassele' sikontu usahana, lanri tuli lambusuki siagang tena najekkong angngadeli, kammayatompa adeleki angngadeli parkarana tau kasi-asia. Memang kammaminjo mustina panggaukanna tau tappaka mae ri Batara.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

YEHEZKIEL 18:6

Tena nanynyomba ri barhalana tu Israel yareka tena nangnganre koro'bang nipassareanga ri tampa'-tampa' panynyombanga ri rewata-rewataya. Tale'bakai naodo' bainenna paranna tau yareka attinro siagang baine battua bulanna.

YEREMIA 7:5

Pinrai katallassannu siagang panggaukannu. Adelekko tasse're-se're tau mae ri parannu tau.