YEHEZKIEL 18:30 - KITTA' MATANGKASA'

³⁰ Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

YEHEZKIEL 18:30 Referans Kwoze

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

YEHEZKIEL 18:21

Punna nia' tau ja'dala' nampa tenamo nagaukangi pole dosaya, siagang appakkaramulami naturuki hukkung-hukkungKu, kammayatompa nagaukang panggaukang bajika siagang annabaya, ia tena nalamate.

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

YEHEZKIEL 7:3

Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.

HOSEA 12:6

Anjo Allata'ala iamintu Batara Kaminang Makoasaya. ArenNa iamintu Batara. Lalang iaminjo arenNa naNakellai taua anynyomba mae ri Ia.

YEHEZKIEL 14:6

Pabattuang tongi tu Israel angkanaya iNakke, Batara Kaminang Tinggia, angkana ri ke'nanga, ‘Toba' mako battu ri dosa-dosanu, siagang bokoimi anjo barhala-barhalanu appakalanrea.’

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

YEHEZKIEL 33:20

Mingka manna nakamma anjo nakana bansa Israel angkanaya anjo tindakangKu tena naadele'. Tojeng, laKuadeli ke'nanga situru' massing panggaukanna.”

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

KATO'BA 12:14

LaNaadeli ngasengi Allata'ala sikontu panggaukanta; ia bajika siagang kodia, ba'lalo manna pole toccokkoa.

MATIUS 3:8

Pappicinikammi rolong lalang ri panggaukannu, sollanna ma'nassamo angkanaya toba' tojeng mako battu ri gau' dosa-dosanu.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

PAPPICINI' 2:16

Lanri kammana, toba' laloko battu ri dosa-dosanu ngaseng! Punna tena, sinampe' mami Kulabattu mae ri kau ngaseng ambunduki siagang pa'dang niaka ri bawaKu anjo tau kammaya.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.

YAKOBUS 1:15

Nampa, punna naturukimo anjo kaerokang ja'dala'na, iaminjo allassukang dosa; napunna jarre'mo anjo dosaya, iaminjo angngerang kamateang.

MATIUS 25:32

Sikontu bansaya lanipa'rappungang ngasemmi ri dallekanNa. Nampa laNasa'la' anjo rupataua a'jari ruang pammantangang, rapang pakalawaki ansa'laki gimbalaka siagang bembea.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

YEHEZKIEL 34:20

Lanri kammana anjo, iNakke, Batara Kaminang Tinggia Kukana ri kau, he sikamma gimbala' co'moka, angkanaya labattuA' a'jari haking ri tangnga-tangngana gimbala' gassinga siagang gimbala' dodonga.

YEHEZKIEL 33:9

Punna nupakaingaki anjo tau ja'dalaka nampa taeroka ammari a'gau' ja'dala', lamatei salaku tau doraka, mingka ikau kalennu lasalamakko.”

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

KATO'BA 3:17

Kupikkiriki angkana, laNaadeli Allata'ala tau bajika siagang tau kodia, nasaba' tunggala' passala' siagang tunggala' panggaukang, lakajariangi situru' wattu Napattantua Allata'ala.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

YESAYA 59:20

Nakana Batara mae ri umma'Na, “LabattuA' mange ri Yerusalem untu' ampasalamakko sikamma tau tobaka battu ri dosa-dosana.

YEREMIA 25:5

Nasuroko ke'nanga ampamari batenu attallasa' ri kaja'dallanga, siagang sikamma panggaukang dosanu, sollannu akkulle ngaseng ammantang tuli ri anne pa'rasangang le'baka Napassareang Batara mae ri kau siagang mae ri boe-boenu a'jari pisakanu.

YEREMIA 35:15

Tena ammariKu assuroi battu mae ri kau sikamma atangKu na'bi-na'bia, siagang napakainga' mako ke'nanga sollanna nupakabaji' panggaukannu na nupamari a'gau' ja'dalaka. Napakaingakko ke'nanga sollanna tena nunynyomba mae ri rewata-rewata maraenga siagang tena nupare' atai kalennu mae ri anjo rewata-rewataya, sollannu akkulle ammantang tuli anrinni ri pa'rasangang Kupassareanga mae ri kau siagang mae ri boe-boenu. Mingka taerokako amparhatikangi siagang taerokako mappilangngeri ri Nakke.

YEHEZKIEL 18:29

Na ikau, he sikamma tu Israel, nukanai anjo tindakanNa Batara salai. Maka salai anjo tindakangKu, he Israel? Tena! Passangalinna ikaumi sala!”

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YEHEZKIEL 43:9

Mingka appakkaramula kamma-kamma anne musti napammari ke'nanga anynyomba ri barhala siagang napaletteki sikamma maya'na karaenna ke'nanga. Le'baki anjo, lammantamMa' ri tangnga-tangngana ke'nanga sa'genna satunggu-tungguna.”

EZRA 10:11

Lanri kammana, akuimi sikamma dosanu ri Allata'ala, ia nasombaya boe-boeta, nampa nugaukang apa appakasannanga ri pa'mai'Na. Pakabellai kalennu battu ri bansa maraeng niaka ammantang ri pa'rasanganta siagang bongkai anjo sikamma bainennu battua ri bansa maraenga.”

YESAYA 21:12

Appialima' angkana, “Labattui bari'basaka, mingka bangngia pole. Punna erokko akkuta'nang, battu poleang mako akkuta'nang.”

YEREMIA 3:22

He ikau ngaseng sikontu tau ambokoiyai Batara, ammotere' mako! LaNapammolleko battu ri garrinnu, siagang laNapa'jariko majarre' ri pa'mai'nu. Nukana ngaseng, “Iyo, kamma-kamma anne ammotere'mi ikambe mae ri Batara, nasaba' Iami Allata'alana ikambe.

YEHEZKIEL 36:19

Kuhukkungi ke'nanga situru' carana attallasa' siagang panggaukanna ke'nanga, nampa kupasiara' ke'nanga mae ri pa'rasangang maraeng.

ZAKHARIA 1:4

Teako sangkammai boe-boenu. Wattu jammang riolo napabattui sikamma na'bia pasangKu mae ri ke'nanga sollanna tanagaukangngamo gau' ja'dalaka siagang gau' dosaya ke'nanga. Mingka tanajampangiai ke'nanga siagang taerokai ke'nanga mannuruki ri Nakke.