YEHEZKIEL 18:23 - KITTA' MATANGKASA'

²³ Apaka nupikkiriki angkana iNakke, Batara Kaminang Tinggia sannangA' punna matei tau ja'dalaka? Tena sikali-kalia! Kukellai nanabokoi dosa-dosana sollanna akkulle tuli attallasa'.

YEHEZKIEL 18:23 Referans Kwoze

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

1 TIMOTIUS 2:4

Eroki sollanna nipasalama' ngaseng rupataua siagang naasseng katojenganga.

2 PETRUS 3:9

Tena nasallo Batara nampa Napassareang apa Napa'janjianga, manna pole nania' tau sala pahang kamma anjo. Mingka sa'baraki mae ri kau, nasaba' taNapa'biangako nia' panra' manna pole sitau. Eroki sollanna toba' ngaseng taua battu ri dosa-dosaya.

YEHEZKIEL 18:32

Tena kusannang punna nia' tau mate. Bokoimi dosa-dosanu sollannu tuli attallasa'. INakke Batara Kaminang Tinggia, anne akkana.”

LUKAS 15:32

Mingka siratangki' assua'-suara' siagang a'rannu-rannu, lanri le'ba'mi mate anjo andi'nu, mingka kamma-kamma anne attallasa' poleangi; le'baki tappela', mingka kamma-kamma anne nibuntulu' poleammi.’ ”

LUKAS 15:10

Kamma tomminjo rannuna malaeka'Na Allata'ala, punna nia' se're tau ja'dala' a'jari toba' battu ri dosa-dosana. Patappa'mi anne!”

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

YAKOBUS 2:13

Nasaba' talaNapa'nyatayai pangngamaseanNa Allata'ala mae ri tau tenaya nangngasseng mangngamaseang. Mingka la'bi jarrekangangi pangngamaseanga na anjo hukkunganga!

PIRAUNG 3:33

Taerokai pa'mai'Na ambalang parekangki' ballasa' siagang si'na.

YEREMIA 31:20

Israel, ikau ana' nisayangKu, ana' Kungaia, bua atingKu. Punna Kuancangko tuli nakkuKa' Kumangngu'rangi ri kau. LaKugaukanga mae ri kau iamintu Kukamaseang sikaliko.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.