YEHEZKIEL 18:20 - KITTA' MATANGKASA'

²⁰ Inai tau doraka iami lamate. Anjo anaka tena namusti natanggongi dosana manggena; kabalekanna, manggena tena todong namusti natanggongi dosa-dosana ana'na. Tau bajika langgappai pahala baji' lanri panggaukang baji'na. Na tau ja'dalaka lanakasiaki sessaya lanri panggaukang ja'dala'na.

YEHEZKIEL 18:20 Referans Kwoze

2 KARAENG-KARAENG 14:6

Mingka sikamma ana'na anjo pagawea lanri naturukinna parentaNa Batara niaka tattulisi' lalang ri Kitta'na Musa angkanaya, “Teako hukkung matei tau toaya lanri kaja'dallang nagaukanga ana'-ana'na, siagang teako hukkung matei ana'-anaka lanri kaja'dallang nagaukanga tau toana ke'nanga. Ia nakkulle nihukkung mate se'rea tau punna passala' panggaukang kaja'dallang kalenna.”

PAOLE 24:16

Teako hukkung matei tau toaya passabakkang kaja'dallang nagaukanga ana'-ana'na; siagang teako hukkung matei ana'-anaka passabakkang kaja'dallang nagaukanga tau toana ke'nanga. Tunggala' taua iapa nakkulle nihukkung mate punna passabakkang panggaukang kaja'dallang kalenna.

YEHEZKIEL 18:4

Nyawana tunggala' taua iNakke pata, baji' nanyawana tau toana kammayatompa nyawana ana'na. Tau dorakaya, lamatei.

2 PATTOTTORANG 25:4

Mingka tena nabunoi ana'na ngaseng anjo pagawe-pagawea lanri naturuki parentaNa Batara niaka lalang ri Kitta'na Musa angkanaya, “Teako hukkung matei tau toaya lanri kaja'dallang nagaukanga ana'na ke'nanga, siagang teako hukkung matei ana'-anaka lanri kaja'dallang nagaukanga tau toana ke'nanga. Tunggala' taua iapa nakkulle nihukkung mate punna lanri kaja'dallang nagaukang kalenna.”

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

1 KARAENG-KARAENG 8:32

o Batara, poro Kipilangngeri ri suruga siagang Kitappuki parkarana anne ata-atanTa ngaseng. Hukkungi tau salaya situru' panggaukanna, siagang Kilappassangi tau tenaya nasala.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

2 PATTOTTORANG 6:23

o, Batara, poro Kipilangngeri laloi battu ri suruga nampa Kitappuki parkarana anne ata-atanTa. Kihukkungi salaya nampa Kilappassang tenaya nasala.

PAMMILANGNGANG 18:1

Nakana Batara mae ri Harun, “Ikau, ana'-ana'nu siagang tu Lewia, musti natanggongi kale'bakkanna kakodianna sikamma kasalang kajarianga lalang ri KemaKu; mingka ikauji bawang siagang sikamma ana'nu antanggongi kasalang kajarianga lalang ri jama-jamanna imanga.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

KAIMANGNGANG 5:17

Punna nia' tau tena nakunjungi anggaukangi dosaya lanri nadakkaina kalase'renna parentaNa Batara, anjo taua salai siagang musti natanggongi kodina anjo kasalanna.

YEHEZKIEL 33:10

Nakana Batara ri nakke, “He tau, pau poleangi mae ri bansa Israel anne kananna ke'nanga, ‘Ta'ronangi tallasa'na ikambe lanri nijallakkanna ri dosana siagang kaja'dallanna ikambe. Antekamma nakkulle ikambe attallasa'?’

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

KAIMANGNGANG 5:1

Anjo koro'bang nipammopporanna dosaya parallui nipassareang: Punna nia' tau nikellai assare kasa'biang ri pangadelanga, mingka tena nassare kasingarang ri anjo passala' le'baka nacini' yareka nalangngere', sa'genna nakasia' baji'-kodina.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.

YEHEZKIEL 18:13

Punna assarei angnginrang appalaki bunga. Apaka anjo tau kammaya lattallasaki? Tena! Nagaukammi sikontu panggaukang appakaringi'-ringika anjo, siagang lamatei. Anjo namate lanri panggaukanna tonji.

KAIMANGNGANG 19:8

Inai-nai angkanrei anjo dagenga salami lanri tena najampangi apa nisa'laka untu' iNakke. Anjo tau kammaya tenamo nanibilangi anggota ummakKu.

YEHEZKIEL 18:30

Nakana Batara Kaminang Tinggia, “He tu Israel, laKuadeli tunggala' taua situru' massing panggaukanna. Toba' mako battu ri dosa-dosanu. Teako lappassangi dosanu angngancuruki kalennu.

2 PATTOTTORANG 6:30

poro Kipilangngeri battu ri pammantanganTa ri suruga siagang Kipamopporangi ke'nanga. IKatteji bawang angngassengi atinna rupataua. Lanri kammana anjo Kibalasa'mi mae ri tunggala' taua situru' massing panggaukang-panggaukanna,

1 KARAENG-KARAENG 14:13

Sikontu ra'ya' Israel lasusa ngasengi nampa natarawang. Iaji bawang kale-kalenna anggota kaluargana Yerobeam lanitarawang baji'-baji', nasaba' iaji bawang nipangngellai ri atinNa Batara, Allata'alana Israel.

KAIMANGNGANG 16:22

Anjo bembea naerang ngasemmi sikontu dosana bansa Israel mange ri daera kalotoroka, ia tenaya napammantangangi tau siagang musti nalappassangi anjoreng ri parang lompoa.

KAIMANGNGANG 10:17

“Angngapa natena nukanrei anjo koro'bang pammopporang dosaya ri tampa' matangkasaka? Anjo koro'banga teai sipato' tangkasa'na; Napassareangi Batara mae ri kau, sollanna nipammopporang dosana umma' Israel.

YEHEZKIEL 4:4

Nampa tinro tattiling maeko ri kairi, siagang laKupitujuiko kasalanna bansa Israel. Lattinro kammako anjo 390 allo sallona siagang lasessako lanri kasalanna ke'nanga. Punna sialloko attinro kamma anjo, battuanna sitaung hukkungang mae ri bansa Israel.

PAMMILANGNGANG 15:31

lanri naewai Batara siagang nakunjungi andakkai parentaNa Batara. Anjo tau kammaya matei lanri kasalanna tonji.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 14:16

Manna pole nania' Nuh, Danel siagang Ayub ammantang anjoreng, mingka lanri iNakke, Allata'ala mattallasaka, Batara Kaminang Tinggia, anjo ke'nanga takkulleai napasalama' manna pole inai ri ke'nanga, ba'lalo manna ana' kalenna ke'nanga takkulle napasalama'. Poro kalenna bawang ke'nanga salama', nampa anjo pa'rasanganga la'jari parang lompoi.

YEHEZKIEL 33:6

Mingka punna accini' nia' battu musu anjo pajagaya nampa tena nappasa'ra tanra bahaya, nampa battu musua ambunoi anjo tau dorakaya, tanggong jawa'na kamateanna anjo taua laKutuntuki battu ri ia.

KALAPPASSANG 32:33

Appialimi Batara angkana, “Tau dorakayaji bawang mae ri Nakke laKulu'lu' arenna battu ri anjo kittaka.