YEHEZKIEL 18:11 - KITTA' MATANGKASA'

¹¹ tenaya nale'ba' nigaukang ri manggena. Angnganrei koro'bang nipassareanga ri tampa'-tampa' panynyombanga mae ri rewata-rewataya. Nangai naodo' siagang naagang sikatinroang bainenna paranna tau.

YEHEZKIEL 18:11 Referans Kwoze

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.

YAKOBUS 2:17

Kammatommi anjo ri katappakkanga; punna tena nanipa'nyatai lalang ri panggaukanga, tena matu-matunna anjo katappakkanga.

FILIPI 4:9

Gaukammi anjo apa-apa le'baka nupappilajari siagang nutarima battu ri nakke; baji' nakana-kanangku, yareka apa-apa kugaukanga. Naporo Allata'ala, kabattuanna salewanganga, anrurungang ngasengko ri katallassannu.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.

YOHANES 13:17

Nuasseng ngaseng minne; jari mate'ne mako punna nugaukangi.

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

YEHEZKIEL 18:15

Anjo anaka taerokai anynyomba ri barhalana tu Israel, yareka angnganre koro'bang nipassareanga ri tampa'-tampa' panynyombanga ri rewata-rewataya. Tale'bakai nagoda bainenna paranna tau,

1 KARAENG-KARAENG 13:22

Ammotere' mako siagang angnganre angnginung, na nule'ba'mo nipisangkai untu' anggaukangi anjo kammaya. Lanri kammana lanibunoko, nampa talanitarawanga maya'nu ri jera'na kaluarganu.”

1 KARAENG-KARAENG 13:8

Appialimi anjo na'bia angkana, “Manna pole nasarea' karaenga tawaruanna kakalumanynyangnganna karaenga, tena nakulamminawang untu' mange angnganre yareka angnginung siagang karaenga.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

YEHEZKIEL 18:10

Mingka ebara' angkana anjo taua nia' ana'na nangai angngella', ammuno, siagang anggaukang jai kaja'dallang maraengannaya

YEHEZKIEL 22:11

bainenna paranna tau, yareka mintunna, yareka andi' aona.