YEHEZKIEL 17:8 - KITTA' MATANGKASA'

⁸ Padahala' anjo poko' anggoroka attimbomi ri butta coppong siagang alla'bia je'ne'na, sa'genna akkulle coppong leko'na, roasa' rapponna, siagang a'jari poko' anggoro' baji'.

YEHEZKIEL 17:8 Referans Kwoze

YEHEZKIEL 17:7

Lalang kammana anjo nia'mo jangang-jangang rajawali sannaka lompona maraengang; la'baki ka'nyi'na siagang kapalaki bulunna. Nampa anjo poko' anggoroka napitujui aka'-aka'na siagang tangke-tangkenna mae ri anjo jangang-jangang rajawali berua lanri naminasaina angkana anjo jangang-janganga akkullei assare je'ne' la'bi jaiangngang na anjo je'ne' niaka ri anjo kokoa.

YEHEZKIEL 17:9

Jari, iNakke, Batara Kaminang Tinggia akkuta'nang: Maka akkullei anjo poko' anggoroka attallasa' siagang a'bakka'? Maka tena nalanibi'bu' siagang aka'-aka'na ri anjo jangang-jangang rajawali uru-urua, nampa napasinta' rapponna, natepo' tangke-tangkenna siagang naboli' kalumeng? Tena naparallu jai ambukui yareka bansa pore untu' ambi'buki anjo poko' anggoroka sa'genna aka'-aka'na.

YEHEZKIEL 31:4

Attimboi lanri gannaki ri je'ne'. Binanga irawa buttaya assarei kanre, nasirangi sikontu aka'na, na nabasai poko'-poko' maraenga.