YEHEZKIEL 17:24 - KITTA' MATANGKASA'

²⁴ Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

YEHEZKIEL 17:24 Referans Kwoze

AMOS 9:11

Nakana Batara, “Lanarapiki wattunna naKupoterang kakaraenganna Daud. Kamma-kamma anne anjo kakaraenganga kontumi balla' rumbanga. Mingka laKupakabajiki ammotere' tembo'-tembo'na siagang laKubangungi ammotere' sa'genna a'jari sangkamma riolo.

YEHEZKIEL 24:14

INakke, Batara Kaminang Tinggia, anne akkana. Narapi'mi wattungKu untu' angngalle tindakang. Tena nalaKukaluppai dosanu siagang tena nalaKupammopporang yareka tena nalaKukamaseangko. LaKuhukkungko situru' sikontu panggaukannu. INakke, Batara Kaminang Tinggia, anne akkana.”

YESAYA 26:5

Napakatunai Batara tau tampoa; Naancurukui kota pattahanganna ke'nanga, na Napasilappara' siagang buttaya.

YEHEZKIEL 22:14

Maka barani ijako yareka gassingijako untu' angngangkaki limannu ri wattunnu le'ba' Kuhukkung? INakke, Batara Kaminang Tinggia anne akkana, siagang laKupa'rupai apa le'baka Kupau.

YEHEZKIEL 21:26

INakke, Batara Kaminang Tinggia anne akkana. Lappassangi songko' kakaraengannu siagang sungkei soro'bannu. Kamma-kamma anne tappinrami kaadaanga. Angkaki empoanna tau kasi-asia siagang sarei ke'nanga koasa. Panaungi sikamma tau anna'galaka kakoasang battu ri kalompoanna!

YEHEZKIEL 12:25

INakke Batara Kaminang Tinggia la'bicara mae ri bansa Israel, na sikontu apa Kupaua ma'nassa lakajariangi, tena nanipaunduruki pole. Pilangngeri, he tau nangaia angngewa! Lalang ri tallasa'nu laKupa'rupai sikontu apa Kupappakaingakkanga mae ri kau. INakke, Batara Kaminang Tinggia, anne akkana.”

AYUB 5:11

Iami Allata'ala ampakatinggi tau tunaya, ampakate'nei tau susaya.

LUKAS 1:33

Siagang lammarentai salaku Karaeng satunggu-tungguna ri boe-boena Yakub. Tena kala'busanna bateNa lammarenta.”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

PAMMUJI 89:45

Kipa'lebaki koasa accayana, Kipatappasaki naung ri butta empoang kakaraenganna.

PAMMUJI 89:38

Tuli lania'na kakaraenganna sanrapang bulang, iami sa'bi tamamminra rate ri rammanga.”

AYUB 40:12

Iyo, ciniki tau borroa, siagang padundui! Licaki tau ja'dalaka ri tampa'na

LUKAS 21:33

Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”

PAMMILANGNGANG 17:8

Ammukona bari'basa', ri wattunna antama' Musa ri KemaNa Batara, nacini'ni angkanaya anjo takkanna Harun, iamintu takkanna tu Lewia, accu'la'mi. A'bungami anjo takkanga, siagang a'rappo toami!

YESAYA 22:19

Lanri kammana laKupasulukko battu ri jabatannu siagang laKupanaungko battu ri pangka' tingginu.

YEHEZKIEL 18:1

Nakana Batara ri nakke,

YEHEZKIEL 36:36

Jari bansa-bansa singngampi'na ia niaka ija, lanaassemmi angkanaya iNakke, Batara, le'ba' ambangungi ammotere' kota-kota ancuruka, siagang anjamai ammotere' sikamma koko rosoka. INakke, Batara anne a'bicara, siagang mattantui laKupa'rupana kanangKu.”

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

YEHEZKIEL 37:14

LaKupatuiki nappasaka antama' ri kalenna ke'nanga untu' ampakatallasaki ke'nanga, nampa Kusare pakkulle ke'nanga ammantang ri pa'rasangang kalenna. Jari naassemmi ke'nanga angkanaya iNakke Batara. INakke Batara anne akkana, siagang mattantu la'rupana kanangKu.”