YEHEZKIEL 17:18 - KITTA' MATANGKASA'

¹⁸ Lanri nadakkaina sumpana siagang parjanjianna, takkulleai napata'lappasa' kalenna.

YEHEZKIEL 17:18 Referans Kwoze

1 PATTOTTORANG 29:24

Sikontu pajaba' pamarentahanga siagang tantaraya sa'genna ana'-ana' bura'nena Daud maraenganga para naakuimi kakoasanna Salomo salaku karaeng.

2 PATTOTTORANG 30:8

Teako kapala batui sangkamma ke'nanga, mingka mannurukiko ri Batara. Battu mako mae ri Yerusalem, ri Balla'na Batara le'bakamo Natangkasi Karaeng Allata'alanu untu' KalenNa sa'genna satunggu-tungguna. Mae mako nakianynyomba mae ri Ia sollanna ammari larro mae ri kau.

PIRAUNG 5:6

A'lampai ikambe appala'-pala' ri Mesir, appala'-pala' kanre ri Asyur.

2 KARAENG-KARAENG 10:15

Napannarrusu'mi lampana Yehu. Ri tangngana aganga niruppaimi ri Yonadab ana'na Rekhab. A'barisallammi Yehu ri ia siagang nakana, “Sai ikatte a'julu atiki'? Maka ero'jako agang mae ri nakke?” Appiali Yonadab angkana, “Iyo'.” Angkanami Yehu, “Punna kamma, umba kisita'gala' lima.” Jari assita'gala' limami ke'nanga, nampa nabantu Yonadab nai' antama' ri karetana,

KATO'BA 8:2

Mannurukiko punna nasareko parenta karaenga, teako sambarangngi a'janji mae ri Allata'ala.

YEHEZKIEL 17:15

Mingka karaeng Yehuda angngewai siagang akkiringi tau mange ri Mesir untu' appala' jarang siagang tantara jai. Maka lania' wassele'na anjo usahana? Maka lanilappassangi ta'lappasa'? Tena olona lanadakkai parjanjianga natena nanihukkungi!

YEHEZKIEL 17:16

Lanri iNakke, Allata'ala mattallasaka, Batara Kaminang Tinggia, lamatei karaeng Yehuda ri Babel, lanri nakaluppaina sumpana siagang nadakkaina parjanjianna siagang karaeng Babel le'baka ampaempoi irate ri empoang kakaraenganga.

YEHEZKIEL 17:19

Lanri iNakke, Allata'ala mattallasaka, Batara Kaminang Tinggia, laKuhukkungi karaeng Yehuda le'baka andakkai parjanjianna siagang karaeng Babel padahala' assumpai lalang arengKu untu' lanarupai.

YEHEZKIEL 21:23

Tena natappa' pandudu'na Yerusalem angkanaya lanibunduki ke'nanga, lanri le'baki ke'nanga appare' parjanjiang siagang Babel. Mingka anne botoa lampakaingaki ke'nanga angkanaya lanijakkalaki ke'nanga lanri dosa-dosana.