YEHEZKIEL 16:63 - KITTA' MATANGKASA'

⁶³ LaKupammopporangi kasalannu, mingka takkulleako angkaluppai siagang lasiri'-siriki nusa'ring akkanaya. INakke, Batara Kaminang Tinggia, anne akkana.”

YEHEZKIEL 16:63 Referans Kwoze

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

PAMMUJI 39:9

Kilappassang laloa' battu ri sikontu dosaku, TeaKi' balang parekangia' nicau-cau ri tau dongoka.

ROMA 3:27

Lanri kammana, tenamo oloanta latinggi-tinggi pa'mai'. Angngapa nakamma? Nasaba' tenanamo nanigaukangi apa-apa tattulisika lalang ri hukkung-hukkung agama Yahudia? Teai! Passangalinna lanri tappattamo.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

EZRA 9:6

Kukanamo, “O, Allata'alaku, siri'-sirika' angngangkaki ulungku ri dallekanTa. Dosa-dosana ikambe attambung-tambungi irate ri ulunna ikambe sa'genna narapi' langika.

1 KORINTUS 4:7

Inaika ampa'jariko malompoangang na tau maraenga? Sai yangaseng-ngasenna sangnging apa-apa nutarimaji battu ri Allata'ala. Jari angngapa nanuero' ampattampo-tampoangi kalennu, sangkamma le'ba' angkana anjo apa-apa niaka ri kau teai apa-apa nutarima?

PIRAUNG 3:39

Angngapa namusti akkunrareng taua punna nihukkung lanri dosa-dosana?

PAMMUJI 79:9

Kitulung laloi ikambe o, Allata'ala, Tumappasalama'na ikambe, Kipammopporangi dosa-dosana ikambe siagang Kilappassangi ikambe untu' kalompoang kalenTa.

PAMMUJI 65:3

Saba' iKatte ampilangngeri pappala' doanga; battu ngasengi taua mae ri Katte lanri dorakanamo.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

YEHEZKIEL 17:1

Nakana Batara ri nakke, “He tau, caritai mae ri tu Israel anne pangngebarang,

YEHEZKIEL 20:43

Anjoreng lanuu'rangi sikontu panggaukang appakaringika, anra'massiai kalennu. La'ringi'-ringikko angngu'rangi anjo sikontu kaja'dallannu.

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.

YEHEZKIEL 43:10

Nampa Nakanamo pole Batara, “He tau, pauangi umma' Israel ri passala'na anne BallakKu, siagang suroi ke'nanga amparessai rancanana. Pakasiriki ke'nanga lanri sikontu dosana ke'nanga.

YEHEZKIEL 44:13

Anjo ke'nanga tenamo nakkulle allayaniA' salaku imang yareka anseroi apa matangkasaka untu' iNakke, yareka antama' ri Tampa' Kaminang Matangkasaka. Iami anjo hukkungang mae ri panggaukang-panggaukang ra'masa' nagaukanga ke'nanga.

PAOLE 32:43

Makkio' rannuko lanri umma'Na Batara, e, sikamma bansaya, nasaba' Nahukkungi sikontu tau ambunoai ke'nanga. A'balasaki mae ri musunNa mingka Napammopporangi dosana bansaNa.”

PAMMUJI 85:3

Le'ba'mi Kipammopporang dosa-dosana ummatTa; Kikaluppai sikontu kasalanna.

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

YESAYA 44:22

Kasalannu Kubongkai rapang rammang, dosanu Kupakabellai rapang saliu'. Ammotere' mako mae ri Nakke, saba' le'ba' mako Kupakabebasa'!”