YEHEZKIEL 16:59 - KITTA' MATANGKASA'

⁵⁹ Nakana Batara Kaminang Tinggia, “LaKugaukangi mae ri kau situru' panggaukannu, lanri nudakkai sumpanu siagang parjanjiannu siagang iNakke.

YEHEZKIEL 16:59 Referans Kwoze

YEHEZKIEL 17:19

Lanri iNakke, Allata'ala mattallasaka, Batara Kaminang Tinggia, laKuhukkungi karaeng Yehuda le'baka andakkai parjanjianna siagang karaeng Babel padahala' assumpai lalang arengKu untu' lanarupai.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

YEHEZKIEL 14:4

Lanri kammana anjo, paui mae ri ke'nanga angkanaya iNakke, Batara Kaminang Tinggia appasang kamma anne, ‘Sikamma tu Israel ampappirannuangai kalenna mae ri barhalaya siagang naturukiangi kalenna ta'loposo' antama' ri dosaya, nampa battu untu' appala' pappitangara' ri se'rea na'bi, KalengKu lappiali mae ri ke'nanga siagang piali siratannaya mae ri barhala-barhala kammaya anjo jaina!.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.

YEREMIA 22:9

Nampa lappialimo taua angkanaya nakajariang ngaseng anjo sikammaya lanri nudakkaina parjanjiannu siagang iNakke, Allata'alanu, kammayatompa lanri anynyomba mako siagang assambayang mako mae ri rewata-rewata maraenga.”

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

YEREMIA 11:10

Nagaukammi ke'nanga dosa le'baka nagaukang boe-boena riolo tenaya naero' mannuruki ri Nakke, anynyomba ri rewata-rewata maraeng siagang taerokai anturuki parentaKu. Baji' na Israel kammayatompa tu Yehuda, nadakkaimi parjanjiang le'baka Kupare' siagang boe-boena ke'nanga.

PAOLE 29:24

Nalakkuta'nammo sikontu linoa angkana, ‘Angngapa Nappanggaukang kamma anjo Batara mae ri pa'rasanganna ke'nanga? Apa saba'na Nalarro dudu kamma anjo?’

YEHEZKIEL 7:3

Nakana Batara, “He Israel, kamma-kamma anne narapi'mi wattu kale'bakkannu. Lanupisa'ringi pangngalarroingKu. Kuadeliko situru' panggaukannu kodia.