YEHEZKIEL 16:46 - KITTA' MATANGKASA'

⁴⁶ Daennu iamintu Samaria ri bageang wara' siagang sikontu desana. Siagang andi'nu iamintu kota Sodom ri bageang timboro' siagang sikontu desana.

YEHEZKIEL 16:46 Referans Kwoze

YEHEZKIEL 23:4

Ia toaya niarengi Ohola; iami pangngebaranna Samaria. Andi'na niarengi Oholiba; iami pangngebaranna Yerusalem. A'buntingA' siagang ke'nanga, siagang para anggappa' ana' battu ri ke'nanga.

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

YEHEZKIEL 16:51

Memang Samaria ja'dalaki, mingka dosana tena nabageruanna dosa-dosanu. Panggaukannu bellai la'bi ja'dala'na. Sikamma sari'battang bainenu sanrapangi tau tena salana punna nipassingebarangko. Ikau musti nipakasirikko siagang a'jari hinako!”

PAPPICINI' 11:8

Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

2 PETRUS 2:6

Kamma tomminjo kota Sodom siagang Gomora; Naancu'-ancuruki Allata'ala anjo kotaya siagang pepe', sollanna a'jari conto ri passala'na apa lakajarianga sallang mae ri sikamma tau tenaya natappa' ri Allata'ala.

MIKHA 1:5

Yangasenna anjo lakajariangi lanri dorakai tu Israel siagang angngewai ri Allata'ala. Inai passabakkang nadoraka tu Israel? Sai Samaria ibukotana tonji? Inai passabakkang nanynyomba tu Yehuda ri barhalaya? Sai Yerusalem tonji?

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

YEHEZKIEL 26:6

Lanaellaki ke'nanga siagang lanabunoi panduduka ri kota-kota niaka ri bontona Tirus. Jari naassemmi pandudu'na Tirus angkanaya iNakke Batara.”

YEHEZKIEL 23:11

Oholiba, andi'naya, nacini' kabusuki anjo kajariang kammaya; mingka la'bi lompoangngangi balere'na na Ohola anggaukangi anjo a'gau' bawanga.

YEHEZKIEL 16:27

Kamma-kamma anne angngalleA' tindakang untu' anghukkungko siagang angngallei barakka' le'baka Kupassareang mae ri kau. Kupassareangko mae ri tu Filistin ammusuako siagang a'ringi'-ringika ancinikko anggaukangi anjo panggaukang ra'masa'nu.

PIRAUNG 4:6

Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

PAOLE 32:32

Kamma Sodom siagang Gomora ja'dala'na musunna Israel, rapang poko' anggoro' pai' na'racunga rapponna.

PAOLE 29:23

La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PA'JARIANG 14:8

Nampa karaeng-karaeng battua ri Sodom, Gomora, Adma, Zeboim siagang Bela, naatoro'mi barisang tantarana ke'nanga ri Lappara'na Sidim untu' a'bundu'

HAKING-HAKING 19:22

Lalang assannang-sannanna ke'nanga, sikali nilipummi anjo ballaka ri tau banna'na anjo kotaya. Napagarumbanga tojemmi ke'nanga pakke'bu'na anjo ballaka na nakana ri anjo tau toaya, “Passareangi anjo bura'ne nueranga mae ri balla'nu mae ri kambe. Eroki ikambe ampakei!”

YEHEZKIEL 23:2

“He tau, nia' rua baine, massari'battang.

YESAYA 10:11

Samaria siagang sikontu barhalana le'ba'mi kupanraki. Kamma tomminjo lakugaukang mae ri Yerusalem kammayatompa mae ri sikamma barhala niaka nisomba anjoreng.”

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”