YEHEZKIEL 16:38 - KITTA' MATANGKASA'

³⁸ LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

YEHEZKIEL 16:38 Referans Kwoze

KAIMANGNGANG 20:10

Punna nia' tu Israel a'gau' salimara' siagang bainenna julu bansana, anjo taua siagang anjo bainea musti nihukkung matei.

ZEFANYA 1:17

Nakana Batara, “LappabattuA' jai bala mae ri umma' rupataua, sa'genna langngosala' mami ke'nanga rapang tau buta. Dorakami ke'nanga mae ri Nakke, siagang kamma-kamma anne tatumpami cera'na ke'nanga rapang je'ne', siagang maya'-maya'na ke'nanga a'jari botto'mi ri tompo'na buttaya.”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

PA'JARIANG 9:6

Anjo rupataua nipa'jari sangkamma iNakke; lanri kammana anjo, inai-nai ammuno rupatau, kalenna lanibuno tongi ri rupataua.

PAPPICINI' 16:6

Le'baki napassolong cera'na Umma'Na Allata'ala siagang cera'na na'bi-na'bia; kamma-kamma anne Kisuromi ke'nanga angnginung cera'. Memang siratang memang tongi anjo kammaya mae ri ke'nanga!”

NAHUM 1:2

Taerokai Karaeng Allata'ala punna nia' ambaliangi, inai-nai angngewai, ma'nassa anggappai hukkungang. Sanna' larroNa, Na'balasa' mae ri ke'nanga.

YEHEZKIEL 23:25

Lanri larroA' mae ri kau, Kulappassangi ke'nanga a'gau' palla' mae ri kau. Ka'murunnu siagang tolinnu lanakereki ke'nanga, siagang ana'-ana'nu lanaallei nampa natunu attallasa'.

YEHEZKIEL 16:40

Lanasuroi ke'nanga tau jaia assambilako batu, siagang angkere'-kereki kalennu siagang pa'dang.

PAMMILANGNGANG 35:31

Tau ammunoa musti nihukkung matei. Tena nakkulle nasambei anjo hukkunganga siagang doe'.

KALAPPASSANG 21:12

“Inai-nai amba'ji paranna tau sa'genna mate, musti nihukkung matei.

PA'JARIANG 38:24

Kira-kira tallum bulang ribokoanganna anggappami kabara' Yehuda angkanaya anjo mintunna, iamintu Tamar, a'jari baine ja'dalaki siagang attianammi. Jari naparentakammi Yehuda angkana, “Allei anjo bainea nampa nitunu sa'genna mate!”

PA'JARIANG 38:11

Nampa nakanamo Yehuda ri mintunna, iamintu Tamar, “Ammotere' mako ri balla'na tau toanu, siagang ammantang mako anjoreng a'jari janda, sa'genna lompo anakku Syela.” Akkana kammaminjo lanri malla'na angkana gassingka nibuno tongi Syela ri Batara sangkamma anjo ruaya daenna. Jari ammotere'mi Tamar mange ri balla'na tau toana.

YEHEZKIEL 23:24

Lanabundukiko ke'nanga battu wara' siagang tantara lompo, kareta-kareta pa'bundukang siagang kareta-kareta angngeranga bokong. Ammakei ke'nanga pannangkisi' siagang topi baja, nabattu ke'nanga ankurungko. LaKulappassangi ke'nanga angngadeliko situru' hukkung-hukkunna todong ke'nanga.

YEHEZKIEL 35:6

Lanri kammana anjo, lanri iNakke, Allata'ala mattallasaka, Batara Kaminang Tinggia, matea iami sarennu, siagang takkulleako ta'lappasa' battu anjoreng. Sala mako lanri nugaukanna ammunoa, jari laniondang tommako ri pammunoang.

PAMMILANGNGANG 35:16

Mingka punna nia' tau ammake bassi tarang yareka kayu untu' ambunoi paranna tau, anjo tau kammaya pabuno tau; salai siagang musti nihukkung matei.

PAMMILANGNGANG 35:21

yareka naba'ji siagang panja'guru', anjo taua pabunoi; salai siagang musti nihukkung matei. Bija ma'reppese'na anjo tau mate nabunoa akkullei nagaukang anjo hukkungang matea. Punna nagappa anjo tau ammunoa, akkullei nabuno.

YEHEZKIEL 36:18

Kupa'betteseki larroKu mae ri ke'nanga lanri jaina pammunoang le'ba' nagaukang ke'nanga ri anjo buttaya, kammayatompa nara'massi siagang barhala-barhalana ke'nanga.