YEHEZKIEL 16:37 - KITTA' MATANGKASA'

³⁷ Lanri kammana anjo, sikontu tanrinnu laKupasse'rei, baji' nanungaia kammayatompa tenaya nungai. Lammentengi ke'nanga antammuliliko siagang lanapasulu' ngasengi ke'nanga care-carenu, sa'genna akkulle ke'nanga anciniki kalennu assolara'.

YEHEZKIEL 16:37 Referans Kwoze

HOSEA 2:10

LaKusolarri ri dallekanna sikontu tanrinna. Na tena manna sitau battu ri ke'nanga akkulle allappassangi battu ri kakoasangKu.

HOSEA 2:3

Punna tulusu' assundala'na, laKusungkeangi pakeanna sollanna assolara' sangkamma ri allo nilassukanna. LaKupa'jari sanrapang butta kalotoro' na roso', nalamate napakamma turere.

YEREMIA 13:22

Gassingka akkuta'nangko angkana angngapa nabattu ngaseng anjo sikammaya antujuko, angngapa nanikae pakeannu siagang angngapa nanigau' bawangko. Parallui nuasseng angkanaya nakajariang anjo sikammaya lanri lompo duduna dosanu.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

HOSEA 8:10

Mingka manna nakamma laKupasse'rei siagang laKuhukkungi ke'nanga. Tasalloami nalakkunrareng ke'nanga napakamma sessa, punna nijallakkang ke'nanga ri karaeng Asyur.

PIRAUNG 1:8

Nara'massi kalenna Yerusalem lanri gau' dosa majaina. Sikontu tumappakalompoa riolo mae ri kalenna, anne kamma mappakatunami anciniki ri assolara'na. Makkunrareng mami nagaukang napakamma siri'-siri'.

YEREMIA 13:26

KalengKu angkaei pakeanga battu ri kalennu sollannu a'jari assolara' siagang a'jari siri'-siri'.

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

YEREMIA 22:20

Nakana Batara, “He pandudu'na Yerusalem, a'lampako mange ri Libanon siagang Basan, nampa akkiokko anjoreng. Ammarrangko ri monconna Moab, nasaba' sikontu agannu nibeta ngasemmi.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

YESAYA 47:3

Lanacinikko taua assolara', nihina siagang nipakasiri'. ErokKa' a'balasa' mae ri kau, na tena manna sitau laKupata'lappasa'.”

YEHEZKIEL 16:57

siagang tenapa nakaassengang kaja'dallannu? Kamma-kamma anne sangkamma le'ba' jako siagang ia; ikau nikakkali mako ri tu Edom, tu Filistin siagang sikamma siampi'nu birisika mae ri kau.

YEHEZKIEL 23:17

Jari battumi ke'nanga nampa assikatinroang siagang ia. Kammami anjo nanira'massimo ri ke'nanga, sa'genna kale'bakkanna ero'mi nasa'ring takkoa' saba' lanrenamo ri ke'nanga.