YEHEZKIEL 16:33 - KITTA' MATANGKASA'

³³ Se'rea pasundala' tuli nibayaraki, mingka kabalekanna ikau assarei hadia sikamma tu bura'ne nuaganga assikatinroang, ba'lalo nunyonyoki ke'nanga siagang doe' sollanna battu ngaseng angngagangko assikatinroang.

YEHEZKIEL 16:33 Referans Kwoze

YESAYA 57:9

Ammakeko minynya'-minynya' mabau', nampa a'lampako mange anynyomba ri rewata niarenga Molokh. Nukiringi sikamma tunisuronu mange ri pa'rasangang-pa'rasangang bellaya, ba'lalo mange ri lino tau matea.

LUKAS 15:30

Anjo anatta le'ba'mi napa'la'bu'-la'busu' barang-baranta siagang bai'-baine a'gau' salaya. Mingka sikalinna ammotere', ba'lalo kipammolongangi sapi rungka siagang co'moka!’

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

YO"EL 3:3

Nagoccangi ke'nanga untu' ampattantui angkanaya inai anggappai tunitahanga. Nabalukangi ke'nanga tuloloa siagang turungkaya untu' nipa'jari ata. Nampa doe'na napakei ke'nanga assundala' siagang untu' angnginung anggoro'.

HOSEA 2:12

LaKuputtai poko'-poko' anggoroka siagang poko'-poko' ara nakanaya passawallang nagappaya battu ri palayananna mae ri sikamma tanrinna. LaKupinrai koko-koko anggoroka siagang koko-koko araya a'jari romang; labattui olo'-olo' sekkeka ampanraki.

YEHEZKIEL 16:41

Lanatunui ke'nanga sikamma balla'nu nampa nasuro sikamma tubai'-bainea anciniki anjo hukkunganga. Kammami anjo bateKu lampamariko ri gau' bawannu. Tenamo nula'bage-bage hadia mae ri sikamma tanrinnu.

YESAYA 30:3

Mingka lanipala'bai pa'mai'na ke'nanga ri anjo karaenga, anjo panrannuang naminasaia ke'nanga latena na'rupa.

YEHEZKIEL 16:32

Ikau sangkammako baine ampa'gau' salangi tu bura'nenu nu'gau' bawang siagang bura'ne maraeng.

YEHEZKIEL 16:34

Ikau pasundala' mara'-maraengko. Tena ampassako a'jari pasundala'. Tena nibayarakko, ba'lalo ikaumi a'bayara'. Memang, ikau mara'-maraeng sikaliko.”

YEREMIA 2:24

nampa antama' ri parang lompo sinoa. Tanakulleai naparrangngi punna battu balere'na. Ia cinnaya taparalluami a'boya' lanri punna wattu pa'lakiang tuli napassareangi kalenna.