YEHEZKIEL 16:19 - KITTA' MATANGKASA'

¹⁹ Kusareko kanre-kanreang battu ri tarigu kaminang bajika, bani siagang minynya' zaitun kaminang tenaya bengkoro'na. Mingka kabusu'na anjo nupassareangi mae ri anjo barhalaya untu' ampakasannangi pa'mai'na ke'nanga. INakke, Batara Kaminang Tinggia, anne akkana.

YEHEZKIEL 16:19 Referans Kwoze

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

YEHEZKIEL 16:18

Nupipakei anjo patung-patunga siagang pakeang nisulang le'baka Kupassareang mae ri kau. Nupassareangi mae ri ke'nanga minynya' zaitun siagang dupa nugappaya battu ri Nakke.

YEREMIA 3:24

Lanri anynyombana ikambe ri rewata appakasiri'-sirika anjo natappela'mo ana'-ana'na ikambe kammayatompa olo'-olo' sapi siagang gimbala'na ikambe, iamintu sikontu apa le'baka nausahai boe-boena ikambe battu riolo dudu.

YEHEZKIEL 7:20

Riolo nakalompoang pa'maiki paramata ga'gana ke'nanga, mingka lanri napakena ke'nanga untu' appare' barhala-barhala appakaringi'-ringi', Napa'jarimi Batara anjo barang-barang kammaya appakamalla'-malla'.