YEHEZKIEL 15:4 - KITTA' MATANGKASA'

⁴ Tena matu-matunna pantaranganna nipa'jaria kayu tunuang. Siagang punna cappu' pimbalimo cappa'na nakanre pepe', siagang bageang tangngana a'jari cumi' tommi, maka nia' ija matu-matunna?

YEHEZKIEL 15:4 Referans Kwoze

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

PAMMUJI 80:16

Kipasalamaki ummatTa sanrapang poko' anggoro' le'baka Kilamung kalenTa, siagang cu'la' anggoro' Kipakajarreka.

IBRANI 12:29

Nasaba' anjo Allata'alata sanrapangi pepe' appakamutunga.

IBRANI 6:8

Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

YEHEZKIEL 19:14

Batanna anjo anggoroka nilepaki ri pepe' a'le'lere'; tangkenna siagang rapponna la'busu' nikanre ri pepe'. Tangkenna tenamo nattahang kamma-kamma anne; takkulleami nipare' takkang karaeng. Iaminjo karru' a'mole-molea nikelongang ri ummaka.

YESAYA 1:31

Rapangi rarame akkanrea lanri nitaba ri racci' bara pepe', kamma tomminjo sikamma tukoasaya lanipanraki lanri panggaukang-panggaukang kalenna tonji ke'nanga, iamintu kaja'dallanna ke'nanga. Nampa tena tau akkulle ampamari anjo kaancuranna.

YEHEZKIEL 15:3

Maka akkullei nipake kayunna untu' appare' se'reang apa-apa? Maka akkullei nipa'jari panggentungang untu' pappasaikang pakkakasa'?

YEHEZKIEL 15:5

Tenamo! Ba'lalo ri tenanapa nanitunui tena todong nakkulle nipa'matu-matu. La'biangampa punna le'ba'mi nitunu siagang nipammutung ri pepe'!”

YEHEZKIEL 15:6

Lanri kammana anjo Nakanamo Batara Kaminang Tinggia, “Rapang kayu poko' anggoro' niallea battu ri romanga nampa nitunu, kammatommi anjo laKugaukangi pandudu'na Yerusalem!