YEHEZKIEL 14:9 - KITTA' MATANGKASA'

⁹ Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

YEHEZKIEL 14:9 Referans Kwoze

YEHEZKIEL 20:25

Nampa Kupassareang mae ri ke'nanga hukkung-hukkung tenaya nabaji' siagang parenta-parenta tenaya nakkulle assare katallassang.

YEREMIA 4:10

Nampa kukanamo, “O Batara Kaminang Tinggia, Kiballe-balleimi tu Yehuda siagang pandudu'na Yerusalem! Kikana angkana lania' kaamangngang, nampa kamma-kamma anne nyawana ikambe niancangi ri pa'dang.”

YEHEZKIEL 16:27

Kamma-kamma anne angngalleA' tindakang untu' anghukkungko siagang angngallei barakka' le'baka Kupassareang mae ri kau. Kupassareangko mae ri tu Filistin ammusuako siagang a'ringi'-ringika ancinikko anggaukangi anjo panggaukang ra'masa'nu.

YEREMIA 14:15

Napaui lalang arengKu ke'nanga angkanaya anne pa'rasanganga tena nalanituju ri pa'bundukang yareka kacipurang, padahala' tena naKusuroi ke'nanga akkana kamma anjo. INakke, Batara, Kupauangko, Yeremia, apa laKugaukanga mae ri anjo na'bi-na'bi tenaya naKusuroi. LaKubunoi ke'nanga lanri pa'bundukang siagang kacipurang.

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YESAYA 10:4

Ia mami sarennu iamintu nibunoa lalang bundu' yareka nieranga a'lampa a'jari tunitahang. Mingka tuli larroNa ija Batara siagang tuli Nahukkunna ija ke'nanga.

YESAYA 9:17

A'rinrai rapang pepe' kaja'dallanna ke'nanga na nakanre sa'genna cappu' rompo' katintinga. Rinrana rapangi romang akkanre, jai sikali nai' umbunna.

YESAYA 9:12

Tena ijapa nassesse' lalang bansa Israel, manna pole nanihukkummo ri Batara Kaminang Makoasaya; tena ijapa natoba' ke'nanga mae ri Ia.

YESAYA 5:25

Larroi Batara mae ri bansaNa. Sadiami untu' anghukkungi ke'nanga. Lata'ge'gosoki sikamma monconga; maya'-maya'na tau matea latassiaraki rapang loro ri sikamma aganga. Mingka larro iji Batara siagang tuli laNagaukanna hukkunganNa.

AYUB 12:16

Anjo Allata'ala gassingi, kassaki siagang porei! Lapung patipu siagang nitipua nia' ngasengi ri kakoasanNa.

2 PATTOTTORANG 18:22

Nampa nasambung pole kananna Mikha angkana, “Jari, iaminjo kajarianga! Napa'jari Batara anjo na'bi-na'bia a'balle-balle mae ri katte, nasaba' le'ba'mi Napattantu Batara angkanaya lanapitujuiki' bala!”

YEREMIA 6:14

Anjo bokka'-bokka'na ummakKu nakanangi ke'nanga poro bokka' ca'diji bawang. Nakana ke'nanga, ‘Ah, tenangngapa-apa, yangasenna baji'ji siagang amanji.’ Nampa tena sikali nakamma anjo.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YEHEZKIEL 14:10

Baji' naanjo na'bia kammayatompa tau appalaka pappitangara'na langgappai hukkungang sangkamma.

HOSEA 9:7

Narapi'mi wattu panghukkunganga, wattu annarimaya pa'balasa' mae ri sikontu panggaukanga. Lanakasia'mi Israel! Nukana ngaseng, “Anne na'bi nikoasaia ri roh toloi! Pongoroki!” Nukkana kamma anjo lanri birisi' duduko mae ri Nakke siagang lompo duduna dosanu.

ZAKHARIA 13:3

Na punna nia' ija tau nakana kalenna appabattui pasang, kalenna anrong manggena langkana ri ia angkana musti nihukkung matei lanri appauna kana balle-balle. Punna tuli nakana ija kalenna na'bi, lanicokai sa'genna mate ri manggena siagang amma' kalenna.

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’